100 hildakotik gora Gazan, erasoaldia hasi zenetik egunik odoltsuenean
Gutxienez 120 palestinar hil dira iragan gauerditik, erasoaldiaren egunik odoltsuenean. Israelek erasoak areagotu ditu Gazako Zerrendan.
Ashraf Al Qedra Osasun Ministerioko bozeramaileak agiri batean azaldu duenez, azken orduetako erasoek 120 pertsona hil eta gutxienez beste 500 zauritu dituzte.
"Israelen operazioa hasi zenetik, gutxienez 1.230 palestinar hil dira eta 6.700 zauritu dituzte, horietatik bi heren zibilak dira, emakumeak eta umeak tartean", adierazi du Palestinako bozeramaileak.
Israelgo Armadak "etxebizitza, eraikuntza, komunikabide, meskita eta abeletxei" eraso egin die, iturriaren arabera.
Hamasekin lotura duten komunikabideetako egoitzak eraitsi dituzte erasoek, besteak beste, Al Aqsa telebistaren egoitza eta albiste-agentzien bulegoak.
Israelgo Armadak Ismail Haniyeh Gazako lehen ministroaren etxebizitza bonbardatu du.
Leherketa Tuffah auzoan. Argazkia: EFE
Gainera, Gazako zentral elektriko bakarra itzali behar izan dute, bonbardaketen ondorioz sutea piztu baita.
Bestalde, Israelen aldetik 53 soldadu eta bi zibil hil dira. Militar guztiak hilaren 17an lurreko inbasioa hasi zutenetik hil dituzte.
24 orduko su-etena aldarrikatzeko akordioa lortu dutenik ukatu du Hamasek, nahiz eta gutxi lehenago Yaser Abed Rabo Palestina Askatzeko Erakundearen idazkari nagusiak su-etena 72 ordura luzatzea posible zela iragarri, Ramalan.
Israelek, nazioarteari entzungor
Benjamin Netanyahu Israelgo lehen ministroaren esanetan, Gazaren aurkako mendeku operazio militarra ez da bukatuko talde armatu palestinarrek egindako tunel guztiak suntsitu arte.
Defentsa Ministerioan egindako agerraldi batean, erasoaldiaren helburu nagusietako bat "tunel terroristak desegitea" dela ohartarazi du agintariak, tunelok "terrorismoa" ahalbidetzen dutela argudiatuta. 22. eguna du gaur erasoaldiak.
Haaretz egunkari israeldarraren arabera, Armada operazio militarra "zabaltzeko" prestaketetan ari da.
Horren ildotik, Netanyahuk berak aitortu du operazioa luzatu egingo dutela, "gure herritarrak, soldaduak eta lurraldea babesteko".
NBEk, AEBk eta nazioarteak oro har su-etena eskatu badute ere, Israelgo Gobernuak entzungor egin, eta Gaza desarmatu beharra dagoela erantzun du.
Zure interesekoa izan daiteke
AEBetako bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.