Ukrainako ekialdea baretzeko goi-bilera iragarri du Alemaniak
Alemaniako Gobernuak iragarri duenez, datorren asteazkenean goi-bilera egingo dute Minsken (Bielorrusia), xede izanik Ukrainako ekialdean bakea lortzea. Goi-bilera horretan, Errusiak, Ukrainak, Alemaniak eta Frantziak parte hartuko dute.
Moskurekin akordioa lotzeko xedez, negoziazioei ekin diete berriro igande honetan. Horren harira, telefono bidezko konferentzia egin dute Angela Merkel kantzillerrak, Frantziako presidente François Hollandek, Vladimir Putin Errusiako presidenteak eta Victor Poroshenko Ukrainako presidenteak.
Kantzelaritzak azaldu duenez, lau herrialdeak lanean aritu dira "neurri-sorta" prestatzeko, Ukrainako ekialdeko gatazkari "irtenbide osoa" eman ahal izateko, hain zuzen ere.
Errusiako presidente Vladimir Putinek, ordea, goi-bilera egingo dutela esan du, "ordurako guztion jarrerek bat eginez gero".
Ahalegin diplomatikoak
Negoziazioek bihar jarraituko dute Berlinen, eta asteazkenean, berriz, goi-bilera egingo dute Minsken 'Normandia formatuan', II. Mundu Gerrareb aliatuen lehorreratzearen urteurrenaren harira joan den ekainean egindako bilerari erreferentzia eginda.
Asteazkenera bitartean, Minskeko akordioaren sinatzaileak ere Bielorrusiako hiriburuan bilduko dira: Segurtasunerako eta Lankidetzarako Europako Elkarteko (OSCE) ordezkariak, Errusia, Ukraina eta separatista errusiazaleak, alegia.
Merkelek eta Hollandek abiatutako ahalegin diplomatikoen azken urratsa da asteazkeneko goi-bilera. Joan den astean Poroshenkorekin eta Putinekin bildu ziren Kieven eta Moskun krisiari irtenbide politikoa bilatzeko.
Merkelek aitortu duenez, negoziazioen arrakasta ez dago bermatuta, baina ahalegina merezi duela azpimarratu du, Ukrainan izandako hildako-kopuruagatik.
Aurkako jarrerak
Egoerari aurre egiteko unean, aurkako jarrerak erakutsi dituzte lau herrialdeek. Ukrainako presidenteak armak eskatu ditu matxino errusiazaleen aurka borrokatzeko. Izan ere, Porosehenkok lau errusiarren pasaporteak erakutsi ditu, soldadu errusiarrek muga igaro dutela frogatzeko. Hala eta guztiz ere, Alemaniak eta Frantziak Ukrainaren eskaera errefusatu dute.
AEBek, berriz, euren burua defendatzeko eskubidea aitortu nahi dio Ukrainari. Bestalde, Putin presidenteak ez duela gudarik egin nahi azpimarratu du, baina haren herrialdearen garapena eten nahi dutela salatu du.
Ukrainako ekialdeko errepublika separatistetan izandako liskar militarrek 5.000 hildako utzi dituzte azken 9 hilabetetan, eta milioi bat gora errefuxiatu.
Giza-laguntza Ukrainan sartu da
Bestalde, giza-laguntza daraman konboi bat sartu da Ukrainan, eta Donetsk eta Lugansk eskualdeetara abiatu da, Larrialdietarako Ministerio errusiarrak jakitera eman duenez. 170 kamioitik gora osatzen dute konboia.
Agintari errusiarrek azaldu dutenez, 1.800 tona janari, osasun-produktu, eraikuntza-material eta premiazko beharrizanekin lotutako hainbat produktu daramatza konboiak.
Sputnik Errusiako albiste-agentziak zabaldu duenez, Ukrainako mugaren zerbitzu-ordezkariak eta Segurtasunerako eta Lankidetzarako Europako Erakundeko (OSCE) ordezkariak kamioiak behatzen ari dira.
Konboi duela astebete irten zen Rostov eskualde errusiarretik. Merkantzia bitan banatuko dute: 1.100 tona Donetsken banatuko dituzte, eta gainerako 700 tonak, berriz, Lugansken.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.