Errusiara edo Txinara jo lezake Greziak, finantziazio eske
Europar Batasunarekin Greziaren erreskate-planaren negoziazioak kale egiten badu, Tsiprasen gobernuak badu 'B Plana', Panos Kamenos Defentsa ministroak aurreratu duenez. Haren hitzetan, Errusian, Txinan edo AEBn kredituak eska ditzake, finantziazioa lortzeko bidean.
Mega telebista kate pribatuari eskainitako elkarrizketa batean egin du iragarpena Kamenos Greziar Independenteen alderdiko buruzagiak: "Badugu dirua topatzeko beste bide bat. Badugu 'B Plana', beste batzuek eman diezaguketelako behar dugun finantzazioa: AEB, Errusia, Txina edo beste herrialde batzuk izan daitezke", erantzun du Kamenosek negoziazioan beste aukerarik ote duten galderari erantzunda.
EBrekin negoziazioa
'B Plana' gorabehera, Europar Batasunarekin negoziatzen jarraitzeko borondatea agertu du Kamenosek: "Bazkideekin akordioa lortzeko lanetan ari gara, baina ez ditugu ezarritako marra gorriak gaindituko", ohartarazi du.
Hain justu, Greziako zorra negoziatzeko bide malkartsuan geldialdi garrantzitsua du bihar Greziako Gobernuak. Eurotaldeak aparteko bilera du asteazken honetan eta egun indarrean dagoen erreskate-programa ordezkatzeko proposamen andana eramango du Tsiprasek goi-bilerara.
Errusiarekiko harremana
Moskurekin harreman berezirik ez dutela azpimarratu dute egunotan Syrizaren gobernuko kideek, baina bistakoa da hartu-eman hori estuagoa izateko borondatea baduela Atenasek.
Hala, Tsiprasen gobernuak gaur iragarri duenez, Nikos Kotzias Atzerri ministroa Moskura joango da bihar, ofizialki Ukrainako krisiaz eta Greziako atzerriko politikaz aritzeko. Atenaseko hainbat hedabideren arabera, ordea, finantzazioaren gaia ere mahai gainean egongo da.
Izan ere, duela hiru egun Anton Siluanov Errusiako Finantza ministroari horren inguruan itaundu ziotenean, "aztertu beharreko gaia" zela onartu zuen.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".