Tiroz hil dute Boris Nemtsov, Errusiako oposizioko liderra
Boris Nemtsov, Errusiako oposizioko liderra eta lehen ministro ordea izandakoa Moskun hil da hainbat tiro jaso ondoren. Bertako komunikabideek adierazi dutenez, ezezagun batek gutxienez lau tiro egin dizkio.
Kremlin inguruan, Mosku erdialdean, paseatzen ari zen Nemtsov emakume batekin, arma bat zeraman gizonezko bat gerturatu eta tiro egin dionean.
Nemtsov RPR-Parnas alderdi politikoko kidea zen eta, Boris Yeltsinen garaian, lehen ministrorde karguan izan zen; hori dela eta, presidentegai izateko aukera handiak zeuden.
Vladimir Putinen garaian, Nemtsov oposizioko kiderik gogorrenetakoa izan da Gobernuaren politiken kontrako kritikan.
Putinek hilketa gaitzetsi du
Vladimir Putin Errusiako presidenteak gaitzetsi egin du Nemtsoven hilketa; gainera, ikerketa batzordea eratu eta, zelan egin den ikusita, esan du balitekeela enkarguz agindutako erailketa izatea.
Bestalde, Petro Poroshenko Ukrainako presidentea ziur agertu da Twitter bidez Errusiak gertatutakoaren erruduna topatuko duela.
Nemtsovek Errusiaren esku-hartze militarrari buruzko frogak erakusteko asmoa zuen, Poroxenkoren arabera
Petro Poroxenko Ukrainako presidenteak gaur azaldu duenez, Errusiako Armadak Ukrainan egindako esku-hartze militarrari buruzko froga sinesgarriak argitaratzeko asmoa agertu zion duela aste batzuk Boris Nemtsov Errusiako oposizioko buruak.
"Duela aste batzuk Ukrainaren eta Errusiaren arteko harremanak nola eraiki hizketan aritu ginen, harreman horiek nolakoak izatea nahiko genukeen azaldu genion elkarri. Borisek esan zidan Errusiako Armadak Ukrainan egindako esku-hartze militarrari buruzko froga sinesgarriak argitaratu behar zituela", adierazi du Poroxenkok.
Estatuburuak gaineratu duenez, "baten bat" froga horiek argitaratzearen beldur zen. "Borisek ez zeukan beldurrik. Borreroak beldur ziren. Haiek hil dute", esan du.
Poroxenkoren esanetan, "Nemtsov Ukrainaren lagun mina zen eta, aldi berean, errusiar abertzalea", bi estatuen arteko zubi lanak egiten zituena.
Europar Batasunak Boris Nemtsoven "hilketa basatia" gaitzetsi du
Federica Mogherini Europar Batasuneko Atzerri Gaietarako ordezkariak Boris Nemtsov Errusiako oposizioko buruaren hilketa gogor gaitzetsi du.
"Errusiako agintariek hilketari buruzko ikerketa osoa, azkarra eta gardena aurrera eramatea espero du Europar Batasunak, arduradunak Justiziaren aurrera eraman ditzaten", adierazi du Mogherinik.
Ikerketa
Lehenengo zantzuen arabera, Nemtsoven kontra tiro egin duenak, edo dutenek, auto zuri bat erabili du eta politikariak lau tiro jaso ditu bizkarrean, baina bala-zorro gehiago topatu dituzte bertan.
Poliziak azaldu duenez, tiroketa gertatu denean hiru auto zuri egon dira zubian, antza denez, Ford markakoak. Horrez gain, autoen plakak ere aurkitu dituzte eta, orain, haien bila ari dira. Alabaina, zenbait lekukoren arabera, ez zeramatzaten plakarik.
Zure interesekoa izan daiteke
Iranek Khameneiren ondorengoa aukeratu du eta ez du haren izena zabaldu, baina Israelek esan du eraso egingo diola
Hashem Hosseini Bushehri aiatolari dagokio orain, Adituen Batzarreko Idazkaritzaren arduraduna den heinean, "erabakia publikoki iragartzea".
Israelek gutxienez lau pertsona hil ditu Beiruteko hotel batean egindako erasoan
Gutxienez lau pertsona hil dira igande honetan Israelek Beiruteko itsas pasealekuan hotel baten aurka egindako erasoan, sei eguneko erasoaldiaren baitan hiriaren erdigunean egin duen lehenengoan. Israelek esan du Irango Guardia Iraultzaileko komandanteak harrapatu dituela bertan.
Gutxienez 300 pertsona hil dira Kongoko Errepublika Demokratikoko meatze batean izandako beste luizi batean
Gutxienez 300 pertsona hil dira Rubaya meatze eremuan izandako luizi batean, Kongoko Errepublika Demokratikoaren ipar-ekialdean. Asteartean 200 pertsona hil ziren bertan, eta urtarrilaren 28an, 400 baino gehiago.
Israelek petrolio azpiegiturei eraso die Teheranen eta hodei toxikoa eragin du
Teheran ke-laino toxiko batean murgilduta esnatu da gaur, Israelek goizaldean petrolio instalazioen aurka egindako erasoen ondorioz.
Iranek AEBren baseen aurkako erasoak eta Israelek bonbardaketak areagotu dituenean, Txinak su-etena eskatu du
Oldarraldi militarra larritu egin da eta suteak piztu dira oinarrizko azpiegituretan. Horrek ezegonkortasuna handitu du eskualdean.
250 pertsona hil dira astebete baino gutxiagoan Kongoko Errepublika Demokratikoko meategi batean
Martxoaren 3an, 200 pertsona baino gehiago hil ziren lur-jausi batek harrapatuta; gaur, beste luizi batek gutxienez 40 biktima eragin ditu. Rubayako meategian hilabete pasatxoan gertatutako hirugarren luizia da gaurkoa, eta larriena urtarrilaren 28koa izan zen, 400 pertsonatik gora hil baitziren orduan.
Iranek gaur "eraso oso gogorra" jasoko duela esan du Trumpek
Irango Atzerri ministro Seyed Abbas Araghchik AEBko presidenteari erantzun dio "Irango indar armatuak erantzuteko prest" daudela, erasoaldia areagotzea badu helburu.
Gerra gogortu egin da, baina Iranek esan du ez diela eskualdeko beste herrialdeei eraso egingo
Ultrakontserbadoreek gogor kritikatu dute Irango presidente Masud Pezeshkian, gerraren erasoak jasan dituzten herrialdeei barkamena eskatzeagatik. Horregatik, hasiera batean esandakoak zuzendu ditu presidenteak.
Kuba "azkenetan" dago, Trumpen hitzetan
Dena den, AEBko presidenteak adierazi du Habanarekin negoziatzen ari dela.
Iranen aurkako erasoak hasi eta astebetera, zer galdera sortzen ditu Ekialde Hurbileko gerrak?
Munduko ordena egoera berri batean sartu zen duela astebete, Estatu Batuek eta Israelek Iranen aurkako erasoak hasi zituztenean. Noiz arte iraungo du gatazka honek? Golkoko herrialdeak sartuko ote dira? Zer jarrera hartuko dute Europak, Errusiak eta Txinak? Gerra berri honek sortzen dituen zalantzak argitzen saiatu da Mikel Reparaz kazetaria.