Nola hartu dute Hillary Clintonen hautagaitza AEBn?
12 urtean alderdi bera Etxe Zurian mantentzea eskatuz abiatu du kanpaina Hillary Clintonek. Wall Street Journal-en aburuz, historia modernoan balentria zaila da, baina gaineratu du Clintonek historia egiteko hasi duela bidea.
"Iowara bidean" irakur daiteke Huffington Post-en atarian. Iritzi artikulu gehienak ere Hillaryri buruzkoak dira: sinbolismotik erabaki zehatzetara jausi egin duela dio batek, eta iragarpena egiteko moduagatik, oraingoan ezberdina izango dela, beste batek.
Iowara bidean, gasolindegi batean atseden hartu du eta herritar batzuekin kanpaina egiteko aprobetxatu du. CNN kateak herritar horiek Clintonekin egindako argazkiak erakutsi ditu.
Klase ertaina, emakumezkoak eta hispanoen botoak erakartzea du helburu, Univision-en iritzian, eta horretarako, migrazio erreforma bere lehentasunen artean kokatu beharko duela esan du.
Errepublikanoen Batzorde Nazionalaren iritziz, Clintonek eskandaluak eta porrot egindako politikak ekarriko ditu. Horregatik, AEBk zerbait hobea behar duela adierazi dute prentsa-ohar bidez.
Fox News-eko esataria are erradikalagoa izan da. Bere burua, beste helbururik ez du Clintonek, eta estatubatuarrez kezkatzen den norbait behar dutela eta pertsona hori ez dela Clinton esan du.
New York Times egunkariak lehengo aldiz emakumezko bat dela hautagai azpimarratu du, eta AEBko lehen emakumezko presidente izateko benetako aukerak dituela. Baina galdera bat jarri du mahai gainean: zergatik izan nahi du Clintonek presidente?
Washington Post-ek esan du Clintonek 2 minutu eta 18 segundoko bideoan bere estrategia aurreratu duela, 2008ko zailtasunak handitu eta klase ertainaren botoa erakartzeko, eta aukera ekonomikoetan oinarrituko duela kanpaina.
Sare sozialek ere garrantzi handia izango dute hautagai demokrataren kanpainan. Iragarpena egin osteko lehen hiru orduetan, 420.000 txio eragin ditu iragarpenak, eta 3 milioi bisita izan ditu kanpainarako egin duen bideoak.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.