Errusiak Sirian egindako bonbardaketek mesfidantza sortu dute
Errusiako hegazkinek Estatu Islamikoa talde terroristaren kokaguneak bonbardatu dituzte lehen aldiz Sirian, asteazkenean, Moskuko eta Damaskoko iturri ofizialen arabera. Ekintzaileek eta Siriako oposizioak, ordea, gezurtatu egin dute hori.
Siriako telebista publikoak iturri militarrak aipatuz jakitera eman duenez, Hama eta Homs probintzietan Estatu Islamikoak dituen kokaguneei eraso diete Errusiako hegazkinek. “Terroristei kalte handiak” eragin dizkietela adierazi du Siriako telebistak.
Bestalde, Siriako toki menditsuetan Estatu Islamikoaren aurka zortzi eraso egin dituztela azaldu du Moskuk. Gainera, Errusiak ukatu egin du zibilen artean biktimak eragin izana.
Errusiako Senatuak hegazkinak baliatuz erasotzeko baimena eman zion Vladimir Putin presidenteari, baina baztertu egin zuen lehorreko operaziorik egitea.
36 zibil hil dituztela salatu du oposizioak
Homseko iparraldean egindako bonbardaketetan 36 zibil hil dituzte, Jaled Joya Siriako Koalizio Nazionalaren presidenteak New Yorken, NBEko Batzar Nagusian, egin dituen adierazpenen arabera.
Errusiak bidalitako hegazkinek “ez diete Estatu Islamikoaren eta Al-Qaidaren kokagunei eraso”, Siriako oposizio politikoaren aliantza nagusiko buruzagiaren hitzetan.
Artxiboko irudia: EFE
Giza Eskubideen Siriako Behatokiak ere salatu ditu Errusiaren erasoak, ez dituelako Estatu Islamikoaren aurka egin.
“Estatu Islamikoaren kokaguneei eraso beharrean, Siria demokratiko baten alde lan egiten duten fakzioen kontrolpean dauden zonaldeak bonbardatu dituzte. Sham Mugimendu Islamiarraren eta Al Nusra Frontearen kuartel bati eraso diote”, deitoratu du gobernuz kanpoko erakundeak agiri batean.
Mendebaldearen mesfidantza
Errusiak Sirian esku hartu izanak Mendebaldeko potentzien mesfidantza sortu du, baina laguntzeko prest agertu dira, Errusiaren benetako helburua Estatu Islamikoaren kontra egitea baldin bada.
Operazio militarren xehetasunak “lehenbailehen” eztabaidatzeko prest azaldu da John Kerry AEBko Estatu idazkaria; izan ere, Washingtonek hilabeteak daramatza koalizioaren erasoak antolatzen eta bultzatzen. Bi aldeetako operazioak ez oztopatzea da orain helburua, Kerryren esanetan.
Horrela, ostiral honetan biltzea adostu dute Washingtonek eta Moskuk, “istiluak” saihesteko, Sergei Lavrov Errusiako Atzerri ministroak Kerryrekin bildu ondoren adierazi duenez.
Errusiako hegazkinen erasoa Estatu Islamikoaren kontrolpean ez dagoen zonalde batean gertatu dela ziurtatu du Ash Carter AEBko Defentsa idazkariak, eta Siriako gerra zibila areagotzeko arriskuaz ohartarazi du.
Laurent Fabius Frantziako Atzerri ministroaren ustez, erasoek ez dute talde terrorista izan jomuga, eta horren “zantzuak” daudela nabarmendu du.
“Oso garrantzitsua da baieztatzea erasoek Estatu Islamikoa bakarrik izan dutela helburu”, azpimarratu du Philip Hammond Erresuma Batuko homologoak.
Zure interesekoa izan daiteke
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.