Hollandek eta Putinek elkar ulertu dute
Hollande frantziarrak eta Putin errusiarrak elkar ulertu dute. Ez dute apenas arazorik izan, Sirian, Kalifatzak kontrolpean duen inguruan egingo dituzten erasoak adosteko.
Iritzi kontrajarriak dituzte, Bashar al Assad Siriako presidenteak boterean jarraitu behar duen ala ez esaterakoan, baina Estatu Islamikoaren kontrako borrokak lehentasuna duela erabaki dute.
Putinek konpromisoa hartu du jihadistak izango direla berak agindutako bonbardaketen jomuga; eta ez, Assaden oposizioko taldeak. Badirudi, puntu honetan, Putinek Hollandi gezurra esan diola.
Turkiarrek behera bota zuten hegazkin errusiarra, Kalifa-herriaren zonaldetik urruti zegoen alegia, Assaden kontrako oposizioko taldeak bonbardatzen ari zela. Eta ez da sinesgarria, Errusiak, bat batean, estrategia horri uko egingo dionik.
Dena den, Hollande gustura gelditu da Putinen jarrerarekin, eta baita Europako bere aliatu batzuek erakutsi dutenarekin ere.
Merkelek miaketak egiteko erabiltzen dituzten sei hegazkin eta untzi militar batekin lagunduko dio. Cameron britainiarrak bere Parlamentuan eskatuko du Kalifatzak Sirian kontrolpean duen ingurunea bonbardatzeko baimena.
Agian Obamarekin izan du Hollandek, desengainu handiena. Estatu Batuek ez dute Errusiarekin aliantza osatu nahi eta horrek eraginkortasun handia kendu dio, jihadismoaren kontrako nazioarteko koalizioa.
Zure interesekoa izan daiteke
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.
Israelek Somalilandia aitortzea, Afrikako Adarreko taula geoestrategikoan faktore berria
Israelek Somalilandia onartzeak hamarkadetako gatazka sezesionista pizteaz gain, pieza berri ezegonkor bat txertatzen du Afrikako Adarreko eta Ekialde Ertaineko aliantzen eta etsaitasunen taula geoestrategiko konplexuan.