Putinek 'segur aski' Litvinenkoren hilketa agindu zuen
Vladimir Putin Errusiako presidenteak Alexander Litvinenko espioi ohiaren hilketa agindu zuen “seguruenik”, Erresuma Batuak egindako ikerketa publikoaren arabera. Agente ohia Londresen pozoitu zuten, 2006an.
Litvinenko 43 urte zituela hil zen Londresen, 2006ko azaroan. Errusiako Gobernuarekin kritikoa zen. Londreseko hotel batean ustez te kutsatua edan eta hiru aste geroago hil zen.
Putinek bera hiltzea agindu zuela salatu zuen espioi ohiak ohean. Kremlinek beti ukatu du. Litvinenkoren familia eta abokatuen hitzetan, Errusiako agintarien inplikazioa “eraso nuklearra” azaltzeko modu bakarra da.
Marina Litvinenko, hildako espioiaren alarguna, “oso pozik” agertu da Erresuma Batuko Justiziaren erabakiarekin.
Hala, Errusiako presidenteak “segur aski” Litvinenko hiltzeko agindua eman zuela ondorioztatu du gaur Robert Owen epaileak. Litvinenko Polonio 210 substantzia erradiaktiboarekin pozoitu zuten.
300 orrialdeko agiri batean azaldu duenez, Andrei Lugovoi eta Dmitri Kovtun Errusiako espioi ohiak Litvinenkorekin bildu ziren te kikara edan zuenean. Bi zelatariek FSB Errusiako inteligentzia zerbitzuen aginduak obeditu zituztela azaldu du magistratuak.
Andrei Lugovoi eta Dmitri Kovtun Errusiako espioi ohiak. Argazkia: EFE
2000ko azaroan Londresera heldu zenean asilo politikoa eskatu zuen Litvinenkok. Erresuma Batuko herritartasuna lortu eta MI6 zerbitzu sekretuetan lan egin zuen.
Errusiako espioi ohia Lugovoi eta Kovtunekin Milennium hotelean bildu zen, Mayfair auzoan, te pozoitua hartu zuen egunean.
Owenek lekukoak eta aldeen argudioak, Litvinenkoren senitartekoenak tartean, entzun zituen 2015eko urtarrilaren 27tik ekainaren 31 bitartean.
Erresuma Batuko Gobernuak ezarritako baldintzen arabera, Owenek ezin du inor auzipetu, heriotzaren nondik norakoak eta ustezko erantzukizuna argitzera mugatu behar du.
Ikerketa “politizaturik” dagoela uste du Moskuk
Bestalde, hilketaren ikerketa “politizaturik” dagoela esan du Errusiako Atzerri Ministerioak.
“Agiriaren edukia aztertzeko denbora behar dugu, noski, eta ondoren balorazio bat egingo dugu”, adierazi du Maria Zajarova Ministerioko bozeramaileak. Hala ere, Moskuk ikerketa “inpartzialik” espero ez zuela erantsi du.
Zure interesekoa izan daiteke
500 kolono israeldar inguru sartu dira Al Aqsako meskitara Urte Berri Juduaren ospakizunetan
1967tik indarrean dagoen 'statu quo' -aren arabera (Israelek Jerusalemgo ekialdea okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Zentro-ezkerreko oposizioaren edo egungo eskuineko gobernuaren artean erabakiko dute gaur Suediarrek
Zentro-ezkerrekoak faborito dira inkestetan, alde txikiarekin. Azkenean, eskuinak irabaziko balu, ultraeskuina sar daiteke gobernuan.
Eskozia, Gales eta Ipar Irlandako liderrek independentziaren aldeko memorandum bat sinatuko dute
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.