Dallaseko tiroketaren susmagarria tiroz hil du Poliziak
Dallaseko tiroketaren susmagarri bat zelakoan, garaje batean setiatuta zegoen gizona tiroz hil du Poliziak. Armatutako bi gizonek bost agente hil eta beste sei pertsona (bost agente eta zibil bat) zauritu dituzte Poliziak herritar beltzekiko duen jarrera salatzeko manifestazio baten ondoren.
Gizonak aurrez ohartarazi duenez, "amaia gertu dago", eta polizia agente gehiago "zauritzeko eta hiltzeko" asmoa du, David Brown Dallaseko poliziaburuak prentsaurrekoan jakinarazi duenez. Susmagarriak negoziatzaileei esan dienez, garajearen ingurua bonbez josi du.
Nahasmen handia dago susmagarrien eta atxilo hartutakoen inguruan. Izan ere, oraindik zehazteke dago setiatuta duten pertsona hori hirugarren susmagarria ote den, edota atxikita zutenetako bat.
Gizonak bonba ugari jarri omen ditu garajearen inguruan, eta hori dela eta, polizia tentu handiz ibili da.
"Ez dakigu susmagarri guztiak atzeman ote ditugun", esan du Brownek. Poliziaburuak tiroketa jazo den lekura ez hurbiltzeko eskatu die herritarrei. Hiriko aire-eremua itxi egin dute, badaezpada.
"Oraingoz, hipotesi guztiak zabalik ditugu", aitortu du Dallaseko agenteen arduradunak. Haren hitzetan, tiro egin zuten bizpahiru pertsonek estrategikoki jarrita zeuden agenteak bete-betean harrapatzeko.
Bost polizia hil dira
Dallaseko Poliziak goizean baieztatu duenez, larri zaurituta zegoen bosgarren agente bat hil da.
"Beste bat galdu dugu. Agente bat hilda", iragarri du indar polizialak Twiterren duen kontuan.
Hiru lagun, atxikita
Tiroketarekin zerikusia dutelakoan, hiru lagun atxiki ditu Poliziak azken orduetan. Emakume bat eta auto batean zihoazen bi gizon dira.
Aurrez, ustezko susmagarri baten argazkia zabaldu du Poliziak, eta gizona berehala joan da polizia-etxera. Handik gutxira askatu dute, tiroketarekin zerikusirik ez duelako.
Gizon honen argazkia zabaldu du Poliziak. EFE
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.