Lau pertsona hil eta 68 zauritu dira Perun izandako lurrikara batean
Richter eskalan 5,3 gradu harrapatu dituen lurrikara batek lau hildako, 68 zauritu eta 1.253 familia kaltetu utzi ditu Peruko hegoaldean, Caylloma probintziako nekazaritza-eremu batean (Arequipa). Bertako agintariak helikoptero bidez ari dira laguntza bidaltzen, errepideak hautsita baitaude lurrikararen ondorioz.
Lurrikara igande gauean gertatu zen, eta Cayllomako barruti batzuk kaltetu dira: besteak beste, Ichupampa, Chivay, Achoma, Yanque, Coporaque eta Madrigal. Chivayko hego-mendebaldetik 10 kilometrora izan du epizentroa, eta 8 kilometroko sakoneran, hipozentroa.
Hildakoak 80 urteko emakume bat, 70 urteko beste bat eta haren biloba (adingabea) dira. Gainera, Yanque barrutiko gobernadoreak azaldu duenez, 66 urteko estatubatuar baten gorpua aurkitu dute Colcako Eco Inn hotelean.
Bestalde, Peruko Herritarren Segurtasunerako Institutuak (Indeci) baieztatu duenez, 132 etxebizitza erabat suntsituta geratu dira, eta tenplu bat, hotel bat, eta 556 etxebizitza kaltetu dira. Lurrikararen ondorioz, hainbat errepide itxi behar izan dituzte.
Miguel Yamasaki Larrialdiei Aurre egiteko Operazio Zentroko (COEN) koordinatzailearen arabera, Achoma eta Coporaque izan dira barruti kaltetuenak, eta kalte larrienak nekazarien etxebizitzek jasan dituzte.
Pedro Pablo Kuczynski Peruko presidenteak dagoeneko iragarri du Gobernuak laguntza emango diela kaltetutako eremuetan bizi diren herritarrei.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.