Donald Trumpek eman du agindua Mexikoko mugan harresia eraikitzeko
Donald Trump Ameriketako Estatu Batuetako presidente berriak arratsalde honetan eman du Mexikoko mugan harresi bat eraikitzeko agindua, hauteskunde kanpainan promestu zuen moduan.
Segurtasun Nazionalerako Departamentura egindako bisita baliatu du barneko nahiz kanpoko segurtasunari lotutako zenbait dekretu sinatzeko, tartean immigrazioari buruzkoak.
ABC News telebistari egindako adierazpenetan, Trumpek esan du murrua "ahalik eta azkarren" eraikitzen hastea dela.
Egitasmoa aurrera eramateko izapideak gaur abiarazi ditu eta lanak datozen hilabeteotan hasiko direla aurreikusi du. Trump ziur dago legez kanpoko immigraziori aurre egiteko erreminta izango dela.
"Mexikorentzat ona izango da. Mexiko egonkorra eta sendoa nahi dugu", azpimarratu du.
AEBko presidenteak berretsi egin du hainbat aldiz errepikatutakoa, harresia eraikitzeko lanak Mexikok ordainduko dituela, hain zuzen ere.
Alabaina, Trumpek ez du azaldu ordainketa hori nola egingo den eta aitortu du "konplexua" izango dela. Hala ere, Mexikok obra horrek eragindako gastuen "% 100a" ordainduko duela agindu du. Enrique Peña Nieto Mexikoko presidenteak esana dauka bere Gobernuak ez duela proiektu hori inondik inora finantzatuko.
(Donald Trumpek Mexikoko mugan harresia eraikitzeko baimena erakutsi du. EFE)
Peña Nietok "tamalgarritzat jo eta salatzen" du
"Penagarritzat jotzen dut, baita salatu ere, Estatu Batuak harresia eraikitzen jarraitzeko hartutako erabakia, batu beharrean, are gehiago banatzen gaituena. Mexikok ez du harresietan sinisten. Behin eta berriz esan dut, Mexikok ez du inolako harresirik ordainduko", esan zuen Enrique Peña Nietok telebistaren bidez zabaldutako agerraldi batean.
Bestalde, eta politikari mexikarrek egindako eskarien aurrean, Luis Videgaray Mexikoko kantzilerrak baieztatu egin du Peña Nieto presidentea Donald Trump presidente estatubatuarrekin biltzeko deialdiak bere horretan jarraitzen duela, hilak 31an.
Etorkinen aldeko hirien aurkako neurriak
Bestalde, Donald Trumpek etorkinentzako "santutegi" diren hiriei diru-laguntzak ukatzeko dekretua sinatu du.
Hortaz, atxilotutako migratzaileen inguruko datuak emateari uko egiten dioten hiriei funts federalak etengo dizkie AEBko Gobernu berriak. Hiri horien artean daude, besteak beste, Chicago, New York eta Los Angeles.
Ildo berean, Sean Spicer Etxe Zuriko bozeramaileak azaldu du Mexikoko mugan polizia kopurua handitu egingo dutela eta etorkinentzako atxiloketa-zentro gehiago eraikiko dituztela mugan.
Trumpek hauteskunde kanpainan agindu zuen etorkinak babestegatik "santutegi" deitutako hirien kontra egingo zuela. Horrelako 300 bat hiri daude AEBetan.
(Texas (AEB) eta Ciudad Juarez (Mexiko) arteko mugan jada existitzen den hesia. EFE)
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".