Donald Trumpek datorren astean sinatuko du migrazio agindu berria
Donald Trump AEBko presidenteak larunbatean Floridan baieztatu zuenez, etorkinei eta errefuxiatuei buruzko beste agindu exekutibo bat aurkeztuko du datorren astean. Horrez gain, Mexikoko mugan horma "laster" eraikiko duela iragarri du.
Epaile federal batek urtarrilean sinatutako migrazio betoa bertan behera uzteko emandako agindua kritikatu zuen Trumpek, Orlando Melbourneko (Florida) Nazioarteko Aireportuan larunbat arratsaldean antolatutako ekitaldian. Poliziak emandako datuen arabera, 9.000 jarraitzaile inguru bildu ziren hitzaldian.
"Guk ez dugu amore ematen, datorren astean guztiok harrituko zaituzten zerbait egingo dugu. Ziur mantendu behar dugu gure herrialdea", esan zuen, datorren astean beste agindu exekutibo bat sinatuko duela iragarri eta gero.
Trumpek urtarrilaren 27an erabakitako dekretuak, gehiengo musulmana duten zazpi herrialdetako errefuxiatuei eta etorkinei sarrera debekatzeaz gain, errefuxiatuak hartzea galarazi zuen 120 egunetan, onarpen-prozedurak aztertzeko.
45 minutuko hitzaldian, AEBko presidenteak komunikabideak kritikatu zituen, "AEBko etsaiak", aste honetan Twitterren adierazi zuen moduan, "sistema ustelaren partaide" direlako. "Irabazten jarraituko dugu, irabazten, irabazten", nabarmendu zuen Trumpek, komunikabideen "agenda" kritikatu ostean.
Neurri gehiago
Besteak beste, "pare bat astetan beste osasun-plan bat" aurkeztuko duela aurreratu zuen Floridako kostaldeko aireportuan, "zoritxarreko Obamacare sistema ordezkatzeko". Barack Obama presidente ohiak bultzatutako legeari aipamena egin zion.
Horrez gain, Mexikoko "mugako hormaz" hitz egin zuen, "laster" eraikitzen hasiko dela iragartzeko. AEBn diharduten "droga kartelak ere suntsituko" dituela esan zuen.
Bestalde, Sirian eta Ekialde Hurbileko zenbait herrialdetan segurtasun-eremuak eraikiko dituela azaldu zuen, gatazketatik ihes egiten duten pertsonentzat. Persiar golkoko herrialdeek ordainduko dituztela argitu du. Segurtasun-eremu horiei esker, AEBn "ezagutzen ez ditugun milaka pertsona hartu behar izatea" saihestuko luketela adierazi du.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.