Errusiak betoa jarri dio NBEn Siriari buruzko ebazpen berriari
Errusiak betoa jarri dio, Nazio Batuen Erakundearen Segurtasun Kontseiluan, AEBk, Erresuma Batuak eta Frantziak Siriako eraso kimikoari buruz aurkeztu duten ebazpen proiektu berriari.
"Proiektua onartezina da idatzita dagoen moduan. Kontrako botoa emango dugu gainerako kideek gure eskaerei entzungor egiten badiete eta artifizialki sustatzen jarraitzen badute Errusia berriro betoa jartzera behartzeko", adierazi dio Guennadi Gatilov Errusiako Atzerri ministro ordeak Interfax albiste-agentziari.
Testuak aldeko 10 boto, 3 abstentzio eta kontrako bi boto jaso ditu, Bolivia eta Errusiarenak. Azken horrek beto eskubidea baliatu du ebazpena atzera botatzeko.
Moskuk zortzigarren aldiz blokeatu du Siriari buruzko ebazpen bat Segurtasun Kontseiluan herrialde asiarrean gerra hasi zenetik.
Hainbatetan Txinaren babesa izan du, baina oraingoan abstentziora jo du, Kazajistanekin eta Etiopiarekin batera.
Bozketa baino lehentxeago, Vladimir Safronkov enbaxadore errusiarrak kritikatu du ez zela ebazpena bozkatzeko une egokia.
Vladimir Putin Errusiako presidenteak ikerketa inpartziala eskatu du apirilaren 4ko eraso kimikoa argitzeko, eta AEBei eta bere kideei leporatu die erruduna seinalatu nahi izatea gertakariak aztertu eta frogarik aurkeztu gabe.
Washingtonek, Parisek eta Londresek aurreko astean aurkeztu zuten lehenengo ebazpen proposamena, eta orduan ere "onartezin" jo zuen Moskuk. Errusiak ere aurkeztu zuen proposamen alternatibo bat, baina mendebaldeko potentziek errefusatu egin zuten.
Aldi hartan, mendebaldeko herrialdeen proposamena ez zuten bozkatu ere egin, eta ordu batzuk geroago, AEBek 59 misil Tomahawk jaurti zituzten base militar siriar baten kontra, ustezko eraso kimikoari erantzute aldera.
Putinentzat "oldarraldia" izan zen hori, eta Etxe Zuriak erantzun zion babes gehiagorik ez emateko Damascori AEBrekiko harremanak hobetu nahi baditu.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.