Emmanuel Macron izango da Frantziako presidente berria
Emmanuel Macron Frantziako Errepublikako presidente bihurtu da igande honetan, bigarren itzulian irabazita. Hala, hautagai sozioliberalak Marine Le Pen Fronte Nazionaleko buruzagia garaitu du, behin betiko emaitzen arabera, bozen % 66,06 eskuratu baititu; hots, bere aurkariak baino 30 puntu baino gehiago (% 33,94).
Hala, Macronek 20,7 milioi boto baino gehiago jaso ditu (% 66,06), Le Penen alde egin duten 10,6 milioi frantziarren aurrean.
Garaipenaren berri izan ostean emandako hitzaldian, "Frantzia eta Europa defendatuko ditut", esan du Macronek. "Ireki den orria esperantzarena eta berreskuratutako konfiantzarena izatea espero dut", gaineratu du Frantziako presidente aukeratu berriak.
Ondoren, "agur errepublikarra" bidali dio Marine Le Peni, gaurko bozketan izan duen aurkariari. Hautagai ultraeskuindarrari botoa eman diotenen "errealitatea" ezagutzen duela azaldu du, eta "desberdintasunaren aurka borrokatzen" eta "nazioaren batasuna bermatzen" saiatuko dela adierazi du.
Emaitzak garbi utzi du aurreikuspen guztiak bete direla, inkesta orok Macron jotzen baitzuten irabazle. Horrenbestez, orain arte Frantziako V. Errepublika gidatu duen presidente gazteena izango da. 39 urte baino ez dituela, Hollanderen Gobernuko Ekonomia ministro ohiak denbora gutxian egin du aurrera, eta gaur gaueko garaipenarekin berretsi du gorakada.
Macronek 2016an abiatu zuen "En Marche!" (Martxan) mugimendu politikoa, Barack Obamak AEBn egindako kanpainan oinarrituta, eta abuztuan Hollanderen Gobernua utzi zuen eta presidente izateko bideari ekin zion.
Le Penek Macron zoriondu du
Marine Le Pen alderdi ultraeskuindarreko hautagaiak Macron zoriondu du, Frantziako presidentea aukeratzeko hauteskundeetan lortutako garaipenagatik.
20:00ak aldera egindako agerraldian azaldu duenez, Macroni deitu dio zoriontzeko eta herrialdeko presidente gisa izango dituen erronketan "zorte ona" opa diola esateko.
Bigarren itzuliaren hauteskunde eguna
45 milioi frantziar baino gehiago zeuden deituta gaur botoa ematera Frantziako presidente berria hautatzeko hauteskundeetan. Emmanuel Macron sozioliberalaren eta Marine Le Pen ultraeskuindarraren artean hautatu behar zuten François Hollande ordezkatzeko.
Frantziako Barne Ministerioak emandako datuen arabera, Frantziako presidentetzarako hauteskundeetako bigarren itzuliaren parte-hartzea % 65,3koa izan da 17:00ak arte (15:00 GMT). Apirilean izandako lehen itzuliarekin alderatuta, 4 puntu gutxiago dira (orduan % 69,42k eman zuten boza).
Lehen itzulia
Macronek aurreikuspenak bete zituen joan zen apirilaren 23an (presidentetzarako hauteskundeen lehen itzulia) eta botoen % 24,01 eskuratu zituen. Fronte Nazionalaren agintariak ere bigarren itzulira sailkatzea lortu zuen, bozen % 21,30 lortuta, inkestek aurreratzen zutena betez.
Kanpaina kalapitatsua
Frantzian gogoratzen duten inoizko kanpaina kalapitatsuenak amaiera zaratatsua izan du. Izan ere, Macron Ekonomia ministro ohiak duela urtebete sortu zuen mugimenduak atzo salatu zuenez, hainbat barne dokumentu lapurtu dizkiote eta sare sozialetan zabaldu dituzte faltsuak dien beste zenbaitzuekin batera "zalantza eta desinformazioa" hedatzeko asmoz.
Zure interesekoa izan daiteke
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.