Kartzelatik irten da Chelsea Manning, Wikileaks atariaren iturri ohia
Chelsea Manning soldadu ohia kartzelatik irten da asteazken honetan, zazpi urte espetxean eman ondoren. Wikileaks atariari klasifikatutako milaka fitxategi isilpean ematea leporatuta epaimahai militar batek 35 urteko kartzela-zigorra ezarri zion. Urtarrilean, Barack Obama AEBko presidente ohiak analista estatubatuarra indultatu zuen.
29 urteko AEBko soldadu ohiari 35 urteko espetxe-zigorra ezarri zioten, baina, urtarrilean, Obamak zigor-eskaera hori murriztu zuen eta indultua eman zion, estatubatuarrei barkamena eskatu ziela iritzita. Zehazki, Irakeko eta Afganistango gerren inguruko 700.000 dokumentu sekretutik gora lapurtu eta ezkutuan filtratu zituen.
Armadako iturri batek jakitera eman duenez, Manning asteazken honetan irten da Fort Leavenwortheko espetxe militarretik (Kansas), baina ez ditu horri buruzko datu gehiagorik eman nahi izan, segurtasun neurriak tartean direla.
Kartzelatik irten baino lehen, Nancy Hollander abokatuak ziurtatu du zigortuta eman dituen azken hilabete hauek “estutasun handiz” bizi izan dituela. Alabaina, aske geratzeko eta Kansasko espetxe militarrean abiatu zuen sexu aldaketa burutzeko desiratzen zegoela nabarmendu du. Manningen abokatuaren esanetan, soldadu ohiarentzat ez da bat ere erraza izan kosmetikoak edota emakumezkoen arropa erostea.
“Emakume izanik oso zaila izan da berarentzat gizonezkoen espetxean egotea, eta, bi astetik behin, ilea gizon baten modura moztera behartzen zion armadak, bere ongizateari kalte eginez. Oso zaila izan da berarentzat, baina orain pozik dago: kartzelatik irten eta emakume gisa bizi ahal izango duelako”, azaldu du Hollanderrek.
2016. urtean bere buruaz beste egiten ahalegindu zen bi aldiz soldadu ohia, baina borondatezko langileei esker aurrera egitea lortu zuen.
Joan den astean, epaimahai militar batek 35 urteko zigorra ezarri zionetik lehen agerraldia egin zuen. Kartzelatik irten eta gainontzeko "herritarren bizitza hobetzeko irrikan" zegoela azaldu zuen. Dena dela, ez zuen zehaztu zer egingo duen.
2010ean, 700.000 fitxategi baino gehiago eman zizkion Wikileaks atariari, ezkutupean. AEBko historiako filtraziorik handiena izan zen hori, eta nazioartean eztabaida handia sortu zuen.
dia sortu zuen.Zure interesekoa izan daiteke
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Inoizko hauteskunde polarizatuenen bigarren itzulia egingo dute igandean Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.