Erresuma Batuak alerta maila gorena jarri eta Armada zabaldu du
Theresa May lehen ministro britainiarrak iragarri du Erresuma Batuak alerta maila "kritikoa" jarri duela indarrean, 1etik 5erako eskalan maila gorena, eta Armada zabalduko duela Manchesterren izandako atentatuaren ostean segurtasuna bermatzeko.
Alerta maila gorenak esan nahi du jaso dezaketela "berehala"; hori dela eta, Indar Armatuetako kideak poliziekin batera arituko dira lanean hainbat lekutan, Mayk Downing Streeten egindako agerraldi batean jakinarazi duenez.
Hala, Armada britainiarrak Buckingham jauregia, Parlamentua, Downing Streeteko egoitza eta enbaxadak zainduko dituzte, Erresuma Batuan alerta egoera gorenena ezarri eta gero.
Militarrek, era berean, segurtasuna indartuko dute Londreseko kaleetan eta bestelako leku garrantzitsuetan, besteak beste, merkataritza-zentroak, tren geltokiak eta estadioak.
Soldaduak Scotland Yarden aginduetara arituko dira, "leku klabeetan" segurtasuna sendotzeko, zehaztu dutenez.
Cobra larrialdi batzordean segurtasun indarretako eta inteligentzia zerbitzuetako buruekin bigarrenez bildu ostean, Mayk ohartarazi du Salman Abedi terroristak babes sarea izan zezakeela.
"Egun osoan egindako lanak erakutsi digu ezin dugula baztertu erasoarekin lotutako pertsona talde bat izateko aukera", adierazi du Mayk, gainerako alderdi politikoekin batera ekainaren 8ko hauteskundeetako kanpaina bertan behera utzi ostean.
Michael Fallon Defentsa ministroak oniritzia eman dio "Tempora" deituriko operazioari, Poliziaren esku 5.000 soldadu jartzeari.
2014tik alerta maila laugarren koskan zegoen, bigarren altuenean, erasoa jasotzeko "aukera handiak" daudenean jartzen den mailan.
Bestalde, gizon bat atxilotu du bart Poliziak Stansted aireportuan, Londreseko iparrean, Siriara bidaiatu nahi zuelakoan, helburu terrristekin, Poliziak azaldu duenez. Edonola ere, atxilotuak ez omen dauka zerikusirik Manchesterreko atentatuarekin.
Hauteskunde-kanpaina, bertan behera
Ekainaren 8an egitekoak diren hauteskunde orokorretarako kanpainak bertan behera jarraituko du, kontrakoa esan arte, Manchesterreko atentatu suizidaren ondotik alerta egoera gorenena ezarri ostean, gaur, asteazkena, alderdi politikoek baieztatu dutenez.
Hala, Jeremy Corbyn zuzentzen duen Alderdi Laboristaren eta Tim Farronek gidatzen duen liberaldemokrataren kanpainek etenda jarraituko dute.
Bozeramale laborista baten esanetan, hauteskunde egutegiak bertan behera jarraituko du, berririk izan arte, liberaldemokraten moduan.
Terrorista, identifikatuta
Salman al Abeidi erasoa egin zuen hirian bertan jaio zen, eta errefuxiatu libiarren semea da, Tripoliko Segurtasun iturriek jakitera eman dutenez.
Aipatu iturrien arabera, Al Abeidi 1994an jaio zen Manchesterren, eta Muamar al Gadafiren diktaduratik eta errepresiotik ihesi Erresuma Batura joan ziren Samia Tabal eta Ramadan al Abeidiren bigarren semea zen.
Ian Hopkins Manchesterreko poliziaburuak azaldu duenez, gazte hori bakarrik egon den edo talderen batek laguntza eman ote dion aztertzen ari dira orain.
Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.