Beste gizon bat atxilotu dute Manchesterren atentatuarekin lotuta
Manchesterreko Poliziak beste gizon bat atxilotu du gaur, ostirala, hiri horretan, aurreko astelehenean 22 hildako eta 64 zauritu eragin zituen atentatuarekin lotuta. Salman Abedi suizidak bonba bat lehertarazi zuen Manchester Arena estadioaren kanpoaldean, hildako eta zauritu asko eraginda, horietatik, asko umeak.
Twitterren argitaratutako ohar baten bidez, Poliziak baieztatu egin du ostiral goizaldean egindako operazioan beste gizonezko bat atxilotu dutela, Moss Side kanpoaldeko auzoan.
Iturriaren arabera, une honetan zortzi pertsona daude atxilotuta, eta galdekatzen ari dira. Azken egunotan, gizon bat eta emakume bat aske utzi dituzte, kargurik gabe.
Poliziak dioenez, azken orduotan, hainbat miaketa egin dituzte Manchesterren, baita St Helensen (Merseyside, Ingalaterrako iparraldean) ere.
"Miaketak asteleheneko atentatuarekin lotuta daude, ikerketa erritmo bizian doa", hori dela eta, Poliziak "aukera guztiak ditu eskuartean".
Bestalde, Manchesterreko osasun arduradunek jakinarazi dutenaren arabera, bost helduk eta bost umek egoera kritikoan jarraitzen dute, eta beste 32 ospitalean daude, horietatik 18 heldu eta 14 adingabe.
Eraso berri bat egoteko arriskuaren aurrean, Indar Armatuko kideek poliziaren lekua hartu dute kokaleku estrategikoetan, besteak beste, Londresen turismo gehien biltzen dituzten guneak, eta agente armatuak herrialde osoko trenak arakatzen hasi dira.
Gobernu britainiarrak mehatxu terroristaren alerta maila igo zuen aurreko asteartean, maila "kritikora", hain zuzen; horren arabera, edozein momentutan gerta liteke atentatua pairatzea.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak "askatzeko" operazioa iragarri du gaurtik aurrera.
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.