Makro-epaiketa Turkian, 2016ko estatu kolpe saiakeraren harira
486 pertsona, akusatuen aulkian. Turkian inoiz egin den epaiketatik handienetakoa abiatu da abuztuaren 1ean, Ankaran. 2016ko uztailaren 15ean estatu kolpe ahalegina zuzendu zuten militarrak epaituko dituzte datozen egunetan.
Hainbat delitu egotzi dizkiete. Besteak beste, "Konstituzioa urratzea, presidentea hiltzen saiatzea, Gobernua deuseztatzen saiatzea, erakunde armatu terrorista bat koordinatzea, base militarrak indarrez hartzea, hiltzea eta hiltzen saiatzea". Fiskaltzak biziarteko 330 kartzela zigor eskatu ditu ustezko 45 buruzagientzat.
Akusatu gehienak goi mailako militarrak dira. Akinciko base militarra indarrez hartzea eta Turkiako Parlamentua eta estatuko beste eraikin batzuk bonbardatzeko agindua eman izana egotzi diete.
Akusatu gehienak behin-behineko espetxealdian dira. 18 aske daude, eta zazpi, ihes eginda.
Estatu kolpe saiakeraren ustezko buruari, Fethullah Guleni, auzi-iheseko epaiketa egingo diote. Gulen AEBn dago, eta akusazio guztiak ukatu ditu.
Segurtasun neurri zorrotzekin hasi da epaiketa Sincaneko auzitegian (epaiketa honetarako propio eraikia). Kanpoaldean, 50 bat lagunek —gehienak estatu kolpe saiakeran hildako 248 pertsonen senitartekoak— protesta egin dute, eta heriotza zigorra eskatu dute akusatuentzat. Nonbait Recep Tayyip Erdogan zigor hori berriz ezartzekoa da.
Turkiako Gobernuaren arabera, 248 heriotzetatik 77ren erantzule dira akusatuak.
Epaiketak hilabete inguru iraungo du. Epe horretan, 400 bat ordezkari eta politikariri deklarazioa hartuko diete, tartean Erdogani berari eta Hulusi Akar Estatu Goreneko buruari.
ruari.
Zure interesekoa izan daiteke
Gutxienez 16 hildako eta 400 desagertu Nepalen, Txinarekiko mugan izandako uholde baten ondorioz
Gutxienez 29 pertsona erreskatatu dituzte Bhote Koshi ibaiak eragindako uholdearen ondorioz. Rasuwa barrutia jo du, eta herriak, merkatuak eta errepideak urpean geratu dira. Armadako sei helikoptero eta enpresa pribatuetako zortzi bilaketa- eta erreskate-lanetan ari dira.
Gutxienez 14 jaioberri hil dira Pakistango ospitale batean izandako sutean
Gutxienez 14 haur jaioberri hil dira asteazken honetan Islamabaden, Pakistango hiriburuan, ospitale publiko batean izandako sutean. Aire girotuaren sisteman izandako leherketa baten ondorioz piztu da. Bertako agintariek jakinarazi dutenez, 15 haur zeuden sutearen tokian eta soilik bat lortu dute bizirik ateratzea; gainerakoak, erreta hil dira.
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek doako igeriketa-ikastaroen amaiera ospatu dute Gazako itsasoan bainua hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Al-Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan aldi baterako igerilekuak eraikita.
Merzek herrialdeak erregistratutako azken drone erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.