Ustelkeriagatik epaitzea saihestu du Temer presidenteak
Michel Temer Brasilgo presidentea ez dute ustelkeriagatik epaituko, oraingoz ez behintzat. Oposizioak ez du epaiketa abiatzeko behar zituen 342 botoak bildu (Ganberaren bi heren), eta Temerren alderdia nagusitu da bozketan (263 boto alde eta 227 kontra).
Brasilgo Konstituzioaren arabera, Diputatuen Ganberak baimendu behar du gobernuburu baten kontrako auzibidea abiatzea, baina gehiengo kualifikatua behar du horretarako.
"Diputatuen Ganberak Brasilgo herria ordezkatzen du, eta argi mintzatu da gaur", adierazi du Temerrek bozketaren ondoren egindako agerraldi labur batean.
Temerren aburuz, "Parlamentuaren erabakia ez da garaipen pertsonal bat. Konstituzioaren, erakundeen indarraren eta zuzenbide estatu demokratiko baten garaipena da".
Bozketa izan baino lehen Ganberan egindako eztabaidan, arrazoi ekonomikoak aipatu dituzte Temer epaitzearen kontra azaldu diren diputatuak. Horien ustez, beharrezkoa da horrek agintean jarraitzea Brasilgo susperraldi ekonomikoa egonkortzeko.
Inkestetan, behera
Temerrek arnasa hartu du emaitza horrekin. Dena den, herritarren artean duen babesa gero eta txikiagoa da. Azken inkesten arabera, herritarren % 5 daude haren alde, eta % 81k uste dute ustelkeriagatik epaitu behar dutela.
Temerren kontrako manifestazioak izan dira Ganberaren aurrean. EFE
Orain ez dute egingo, baina baliteke agintaldia amaitutakoan epaitzea Temer. 2018ko urrian egingo dituzte hauteskundeak Brasilen, eta 2019ko urtarrilaren 1ean utzi beharko du kargua.
Eroskeriagatik eta ustelkeriagatik epaitzea eskatu zuen Fiskaltzak. JBS enpresako buruzagien testigantzak eta Temerri egindako grabazioak daude salaketaren oinarrian. Enpresaburuek aitortu dutenez, ordainketak egin dizkiote Temerri zazpi urtez "mesede politikoen truke". Epe horretan, presidenteorde eta gobernuburu izan da Temer. Fiskaltzak ikertzen jarraitzen du, justiziaren lana oztopatzeagatik eta zilegi ez den elkartea osatzeagatik.
Temer 2016ko maiatzetik da Brasilgo presidente, Diputatuen Ganberak Dilma Rousseff kargugabetu zuenetik, hain justu.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.