Batzar Konstituziogilea osatu dute Venezuelan
Ostiral arratsalde honetan Nicolas Maduroren Gobernuak bultzatutako Batzar Nazional Konstituziogilea eratzeko lehen bilkura egin dute Venezuelan, Caracas hiriko Jauregi Federal Legegilean, hain zuzen ere. Zehazki, oposizioa nagusi den Parlamentuaren egoitzan instalatu dute Konstituziogilea, Batasun Demokratikoaren Mahaia (oposizioko taldeak biltzen dituen aliantza) eta nazioarteko zenbait herrialde kontra agertu diren arren. Halaber, emaitzak "manipulatu" izana salatu du Venezuelako hauteskundeetako boto sistemaz arduratu den enpresak.
Maduroren milaka jarraitzailek legebiltzarrera egin duten bidean, Hugo Chavez Venezuelako presidente ohiaren eta Simon Bolivar politikari venezuelarraren koadro bana eraman dituzte. Izan ere, 2016an, Asanblea Nazionala ideologia politikoz aldatu zenean, bertatik kendu zituzten.
Venezuelako Gobernuaren esku dagoen areto batean ezarri dute Konstituziogilea. Gauzak horrela, oposizioaren gehiengoak bilkurak egiten dituen beste aretotik gertu egongo dira, biak egoitza berean baitaude. Ildo horretatik, Parlamentuan istilu berriak suerta litezke chavisten oposizioaren aldeko kideen artean.
Fernando Soto Rojas buruzagi chavistak lehen bilkuran adierazi duenez, "nazioarteko herrialdeen zapalkuntzari eta Venezuelako burgesiari aurre egiteko" ezarri dute Konstituziogilea.
"Edozein motatako menpekotasunari eta Venezuelako burgesiari aurre egiteko Konstituzio berria ezarri beharra dago", esan du Soto Rojasek ekitaldian.
Milaka chavista bildu dira Caracas hirian, Parlamenturako bidean. Argazkia: EFE
Delcy Rodriguez, Asanblea Konstituziogileko presidentea
Delcy Rodriguez Venezuelako Kanpo ministro ohia izango da Asanblea Nazional Konstituziogileko presidentea. Batzar hori chavistek bakarrik osatzen dute, oposizioak hauteskundeetan parte hartzeari uko egin ostean. Bertan, Konstituzio berria idatziko dute.
Diosdado Cabello buruzagi chavistak egin du proposamena, eta karguaren zina egin duten 538 ordezkarik babestu dute Rodriguezen izendapena.
Asanblea Konstituziogileak bi presidenteorde izango ditu: Aristobulo Isturiz Venezuelako presidenteorde ohia eta Isaias Rodriguez fiskal ohia.
Batzarra larunbat honetan hasiko da lanean
"Ez pentsa asteak, hilabeteak edo urteak itxarongo dugunik, ez. Larunbat honetan bertan hasiko gara Asanblea Nazional Konstituziogilean lan egiten (…) eta herriaren kontrako gerra psikologikoa egiten dutenei azalpenak emateko ordua iritsiko zaie", esan du Rodriguezek.
Asanblea Konsituziogileko presidenteak azaldu duenez, bakarrik chavistek osatzen duten batzar horretan "ez dago bazterketarik". Ildo horretatik, "bazterketaren mezua eskuinak zabaltzen duena" dela azpimarratu du. Era berean, Konstituzio berria "adituek" idatzi beharrean "herritar xumeek" idatziko dutela esan du.
Atzera bota dute Konstituziogilea bertan behera uzteko eskaera
Beste alde batetik, Caracaseko Lehen Auzialdiko epaitegi batek atzera bota du Asanblea Nazional Konstituziogilea bertan behera uzteko Ministerio Publikoak ostegunean jarri zuen helegitea.
"Ministerio Publikoko ordezkariek Asanblea Konstituziogilea bertan behera uzteko egindako eskaera atzera botatzea erabaki du epaitegi honek", jakinarazi du ohar baten bidez Caracaseko Lehen Auzialdiko epaitegi batek.
Atzo, osteguna, Ministerio Publikoko bi fiskalek egin zuten batzar hori bertan behera uzteko eskaera, Asanblea Konstituziogileko kideak aukeratzeko "hauteskundeetan ustez egindako delituak" iritzita.
ak" iritzita.Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.