Hego Atlantikoan desagertutako itsaspekoaren berririk ez dago
Hego Atlantikoan desagertutako ARA San Juan itsaspekoaren berririk ez dagoela jakinarazi dute gaur. Astelehenean "zarata bat" antzeman zuten arren, Argentinako Armadak asteartean zabaldu duenez, zarata hori ez dator bat urpeko ontzi batek egin dezakeenarekin. Hala ere, "zalantzarik ez izateko", beste miaketa bat egingo dutela jakinarazi du. ARA San Juan urpeko ontzia azaroaren 15ean (asteazkena) desagertu zen, barruan 44 tripulante zituela.
"Zarata aztertu dugu, eta ez dator bat itsaspeko batek morse sisteman egingo zukeenarekin. Etengabeko zarata bat da, eta baliteke biologikoa izatea", esan du Enrique Balbi Buenos Airesko Armadako kapitainak.
Itsaspekoa bilatzeko lanetan parte hartzen ari diren ontziek Patagonian, penintsulatik 360 kilometrora, 200 metroko sakoneran, "zarata bat" antzeman zutela jakinarazi zuten astelehen arratsaldean, hilaren 20an.
Puntu hori, hain zuzen, itsaspekoak egin behar zuen ibilbidean dago, joan den asteko astelehenean atera baitzen Ushuaiatik Mar del Platarako bidean.
Ostiralean, berriz, Armadak jakitera eman zuen asteazkenean izan zutela azkenengoz itsaspekoaren berri, eta ostegunean abiatu zituzten hura bilatzeko lanak.
Larunbatean, itsaspekoa aurkitzeko esperantza piztu zen, Defentsa Ministerioak satelite bidezko komunikazioak antzeman zituela adierazi eta gero, baina Armadak astearte honetan baieztatu duenez, ez dute itsaspekoaren berririk.
Gaur goizean, Mauricio Macri Argentinako presidentea Mar del Platara joan da, bilaketa lanen nondik norakoak ikuskatzeko eta tripulanteen senideei laguntza eskaintzeko.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.