Mexikoko mugan 104 kilometro harresi eraikitzeko 1.600 milioi eskatu ditu Trumpek
2019 ekitaldirako aurrekontu proposamena aurkeztu du gaur Donald Trump Ameriketako Estatu Batuetako (AEB) presidenteak. Besteak beste, Mexikoko mugan 104 bat kilometro (65 milia) harresi eraikitzeko 1.600 milioi dolar eskatu ditu Trumpek. Iaz antzeko eskaera egin zuen agintariak. Guztira, 3.180 kilometro ditu mugak.
Oraingoan, Bravo ibaiaren (Texas) harana babesteko eskakizuna egin du buruzagiak. Segurtasun Nazionaleko Departamentuaren (DHS) goi-kargudunek ziurtatu dutenez, “bertako migrazio arduradunek egindako eskaera bat da”.
Trumpek zenbateko bera eskatu zuen iaz, 1.600 milioi, zonalde berdinean harresia eraikitzeko, San Diegon (Kalifornia), Tijuana (Mexiko) hiriko mugan, baina Kongresuak ez du orain arte eraikuntzarako aurrekontu-sail espezifikorik onartu.
Mugako harresian guztira 25.000 milioi dolar xahutzea espero du Trumpen Administrazioak, 18.000 milioi eraikuntza fisikoan eta beste 7.000 milioi hobekuntza teknologiko eta ekipamenduetan, Departamentuak gaur zehaztu duenez.
Hala ere, diru-kopuru hori immigrazio erreformaren negoziazioari lotuta dago. Negoziaketak gaur hasi daitezke Senatuan. Besteak beste, umeak zirela, AEBera paperik gabe heldu ziren 690.000 gazteren etorkizuna erabaki behar dute.
Ilargira itzultzeko erronka
Bestalde, NASArako aurrekontu proposamenean, Ilargira itzultzeko erronka sartu du Trumpek.
“Gizakiaren espazio esplorazioa bultzatzeko 10.000 milioi dolar (8.160 milioi euro) bideratu nahi ditu aurrekontuak, Ilargia jomuga izango duen kanpaina batean”, dio Kongresuak bozkatu beharreko proposamenak.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.