1.200 lagun baino gehiago atxilotu dituzte Errusian, Putinen aurkako manifestazioetan
Errusiako Poliziak Vladimir Putinen inbestiduraren aurkako 1.200 pertsona baino gehiago atxilotu zituen, larunbat honetan, "Ez da gure presidentea" lelopean izan ziren protestetan, inbestidurarako bi egun falta zirenenean.
Atxiloketa erdiak Moskun egin zituzten; Kremlinaren aurkako pertsonak, gehienak gazteak, Putinen inbestiduraren aldeko taldeek deitutako lekuan bildu ziren. Aldekoen artean, besteak beste, kosakoz jantzitako gizonezkoak zeuden, baita Errusia Batua alderdiko gazteriako kideak ere.
Komunikabide oposiziogileek zuzenean eman zituzten protestak, eta kosakoek manifestatzaile batzuk kolpatu zituztela salatu zuten. Interneten zabaldutako bideoek, aldiz, Poliziak atxiloketa batzuetan indarra erabili zuela erakusten dute.
Agente batek megafonia bidez sakabanatzeko esan zien herritarrei, "indar fisikoa eta neurri bereziak erabiltzeko" mehatxupean.
Manifestatzaileak ez ziren beldurtu, eta Poliziak pasatzen ez uzteko esfortzuak egin arren, ehunka pertsonek trafikoa blokeatu zuten, Pushkinskaya plazatik gertuko kaleetan; 14:00etatik aurrera.
Mijail Fedotov Kremlinaren laguntzaile den Giza Eskubideen Batzordeko buruak azaldu zuenez, Poliziak "alderdi desberdinetako jendeak bere ezberdintasunak ukabilka bukatzea ekiditeko" jardun zuen Moskun.
Errusiako presidenteak garaipen historikoa lortu zuen, 56 milioi herritar baino gehiagoren babesa jasota. 2012an izan zituen 10,5 milioi botoak (45,6 milioi) gainditu zituen; urte hartan Kremlinera itzuli zen, lehen ministro bezala lau urte egin ostean.
Zure interesekoa izan daiteke
Trumpen mehatxu berrien ostean, Iranek negoziazioak eten dituela AEBrekin iragarri du, baina Qatarrek dio aurrera jarraitzen dutela
JD Vance AEBko presidenteordea ari da bilera hauetan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.