Israelek eta Hamasek su-etena adostu dute Gazako Zerrendan
Israelek eta Hamas Erresistentzia Islamikoaren Mugimenduak su-etena adostu dute Gazako Zerrendan. Akordioa bart lortu dute, eta gurean 21:45 zirenean sartu da indarrean, iturri palestinarrek adierazi dutenez.
"Egiptoko Gobernuaren ahaleginek talde palestinarren eta Israelen artean lasaitasuna berrezartzea lortu dute", esan dio Reuters albiste-agentziari soldadu palestinar batek. "Talde palestinarrek su-etena errespetatuko dute, Israelek ere hala egiten badu".
Abu Mujahed Herri Erresistentziaren Batzordeetako (Gazako Zerrendako talde txiki bat) bozeramaileak Facebooken baieztatu du berria: "Egiptoren eta nazioartearen ahaleginei esker, su-etena adostu da erresistentzia palestinarraren eta okupazioaren artean".
Israelgo bozeramaile anonimo batek su-etenik lortu izana ukatu die Reuters agentziako kazetariei, baina Israelgo agintariek oso gutxitan onartu izan dute Hamasekin akordiorik lortu izana, organizazio terroristatzat jotzen baitute.
Egiptok eta Nazio Batuen Erakundeak bitartekaritza lanak berrabiarazi zituzten martxoaren 30ean indarkeria oldea hasi ondoren, palestinarrek errefuxiatuen etorrera aldarrikatzen hasi zirenean. Ordutik, 160 palestinar eta soldadu israeldar bat hil dira Israelgo soldaduen eta manifestari palestinarren arteko borroketan.
Hamasek asteazkenean onartu zuen negoziazioak "aurreratuta" zeudela, alabaina, gau horretan bertan eta ostegun goizaldean Palestinako miliziak 180 bat kohete jaurti zituen Israelen aurka. Horietako 30 airean geldiarazi zituzten israeldarrek, baina gainerakoak hirietatik kanpo erori ziren eta 30 pertsona zauritu zituzten.
Zure interesekoa izan daiteke
2,5 milioi lagun baino gehiago deportatu dituzte edo beren borondatez alde egin dute AEBtik 2025ean
Estatu Batuetako agintariek "sekulako lorpentzat" jo dute, Trumpek martxan jarritako migrazio politika gogorren baitan, "deportazioak arintzeko" dozenaka epaile izango direla iragarri eta egun gutxira.
Venezuela-Curaçao-AEB-Norvegia: Bakearen Nobel saria jasotzeko Machadoren odisea
Azken asteetan hainbat hipotesi zabaldu ziren Machado Oslora saria jasotzeko iritsiko ote zen, oposizioburua ez baita joan den urtarriletik jendaurrean agertu izan, eta Nicolas Maduroren Gobernuaren zaintzari iskin egitea ez baita erraza.
Maria Corina Machado jendaurrean agertu da Oslon, hainbat hilabetez ezkutuan egon ostean
Urtarriletik publikoki agertu gabe egon ondoren, Venezuelako oposizio burua hoteleko balkoira atera da, Oslon, jarraitzaileak agurtzera.
Machadoren jarraitzaileek zuzien prozesioan parte hartu dute
Asteazken arratsaldean, Maria Corina Machado Venezuelako oposizioko kidearen jarraitzaileek Osloko erdigunea zeharkatu duen zuzien prozesio tradizionalean parte hartu dute, sarituak ostatu hartu behar zuen hotelaren aurrean amaitu arte.
Gutxienez 22 pertsona hil dira Fezen, Marokon, elkarren ondoan zeuden bi eraikin behera etorrita
Polizia Judizialak ikerketa abiatu du gertakariaren arrazoiak zehazteko eta xehetasunak argitzeko. Bizilagunen arabera, bi eraikinak erori diren lekuan iraganean txabolak zeuden, eta litekeena da jabeek "irregulartasunak egin izana" eraiki zituztenean.
Indarrean da Australian 16 urtez azpikoei sare sozialak erabiltzea debekatzen dien lege "historikoa"
Australiako Gobernuaren arabera, nerabeek gero eta presio handiagoa jasaten dute ingurune digitaletan, eta sare sozialak goizegi erabiltzeak antsietate, autoestimu baxu eta eskola-isolamendu arazoak larriagotu ditzake. Aldekoak eta kontrakoak ditu lege aitzindariak; azken horien iritziz isolamendua eta deskonexioa ekar diezaieke erabiltzaile zaurgarrienei.
Maria Corina Machado Venezuelako oposizioburuaren alabak jaso du haren izenean Bakearen Nobel saria
Zehaztu gabeko arrazoiengatik, Venezuelako oposizioko burua ez da garaiz iritsi ekitaldira, nahiz eta Norvegiara "iristeko bere esku zegoen guztia egin", Nobel Institutuaren ohar baten arabera. Machado klandestinitatean bizi da iazko uztaileko presidentetzarako hauteskundeetan iruzurra egon zela salatu zuenetik.
Maria Corina Machado ez da Oslora joango Bakearen Nobel saria jasotzera
Nobel Akademiaren zuzendariak Norvegiako NRK hedabideari jakinarazi dionez, ez dakite Machado non dagoen, baina "Norvegian ez dago".
Mundua Oslora begira dago Machadok Nobel saria zuzenean jasoko ote duen zain
Antolatzaileek esan dutenez, uneotan ezin dute zehaztu Bakearen Nobel sariaren ekitaldira Machado noiz eta nola iritsiko den jakiteko.
Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipenak, hala ere, 2026rako kontu orokorrak onartzeko bidea erraztuko dio.