Trumpek bi kolpe gogor jaso ditu hauteskundeetarako hiru hilabete falta direnean
Donald Trumpek, Ameriketako Estatu Batuetako presidenteak, kolpe bikoitza jaso du bere agintaldiaren erdian, minutu gutxiko tartean. Bi aholkulari ohi kartzelara joan litezke. Horietako batek, gainera, presidenteak delitu bat egitera bultzatu zuela esan du. Guztiak errepublikanoen aurreikuspenei kalte egingo lieke azaroko hauteskundeetan.
Trumpen kanpainaren buru ohia iruzur egiteaz errudun jo du auzitegi batek, eta presidentearen abokatu ohiak, Michael Cohenek, hauteskunde-kanpainetako arauak urratu izana aitortu du.
"Michael 'Arratoia' Cohen deitzen diogu", esan du presidentearen gertuko iturri batek. "Egun txar bat izan da taldearentzat", gehitu du, azken gertakari horiek hauteskundeetan eragina izan lezaketela onartuta. Errepublikanoak Parlamentuan duten 23 eserlekuko gehiengoa kaltetuko lukete.
Gainera, demokraten garaipen batek Trumpen ahalmena mugatuko luke legeak aurrera ateratzeko orduan, eta ‘impeachment’ bat eskatzearen arriskua handituko luke.
Trumpen abokatu ohiak hauteskunde-kanpainetako arauak urratu izana aitortu du
Michael Cohen Donald Trumpen abokatu ohiak hauteskunde-kanpainak finantzatzeko hainbat arau urratu izana aitortu du. Besteak beste, Ameriketako Estatu Batuetako presidentearekin harremanak izan zituzten zenbait emakumeren isiltasuna erosi izana onartu du.
Cohenek akordioa egin du Fiskaltzarekin. Zergak ez ordaintzeagatik eta bankuei iruzurra egiteagatik ikerketapean egon da azken hilabeteotan.
Gainera, Trumpek delitu bat egitera bultzatu zuela adierazi du Cohenek, 2016ko hauteskundeak baino lehenago presidentearekin 'affair' bat izan zutela zioten bi emakume ixilarazteko ordainketak adostean.
Michael Cohen fidantzapean aske utzi dute, eta abenduaren 12an jakinaraziko diote zigorra. AEBko komunikabideen arabera, hainbat urteko espetxealdia ezar diezaiokete.
Trumpen kanpainaren buru ohia iruzur egiteaz errudun jo dute
Paul Manafort, Donald Trump Ameriketako Estatu Batuetako presidentearen kanpainaren burua, zortzi iruzur delituren erantzule jo du Virginiako epaitegi batek.
Manafort errudun jo dute, zerga-iruzurra, banku-iruzurra eta atzerrian banku-kontuak ezkutatzea egotzita.
Richard Westling abokatuak 30 eguneko epea eskatu dio T. S. Ellis epaileari, kanpainaren buru ohiaren absoluzioa eskatzeko helegitea aurkezteko.
"Manafort jauna etsita dago kargu guztien absoluzioa ez lortzeagatik. Orain, aukera guztiak aztertzen ari da", esan du horren beste abokatu batek, Kevin Downingek.
Manafortek "bidezko epaiketa" jaso izana eskertu dio epaileari, Downingen bitartez, eta eskerrak eman dizkio epaimahaiari "bere deliberamendu luze eta zailengatik".
Manafort auzia Robert Muellerren ikerketaren barruan dago, Ameriketako Estatu Batuetako 2016ko hauteskundeetan Errusiak esku-sartzerik egin zuen eta Kremlinaren eta Trumpen kanpainaren arteko harremanak argitzeko auzian.
"Ez du nirekin zerikusirik"
Donald Trump presidenteak dagoeneko esan du zigorrak ez duela berarekin zerikusirik.
"Oso gaizki sentitzen naiz Paul Manafortengatik, baina ez du nirekin zerikusirik, ezta Errusiaren kolusioarekin ere", esan du Trumpek Virginian.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.