147 milioi brasildar daude deituta presidentetzarako hauteskundeetara
147,3 milioi herritar deituta daude Brasilen igande honetan izango diren hauteskundeetara. Presidente berria, 27 estatuetako gobernadoreak, Senatuaren bi herenak eta 513 diputatu federalak aukeratuko dituzte brasildarrek, eta eskualde-legegileak ere berritu.
Brasilek 208,5 milioi biztanle ditu, eta erroldaren % 70,6k du boza emateko eskubidea. Horretarako 5.570 udalerrietan eta atzerriko 171 herritan 450.000 hautesleku prestatu dituzte. 08:00etan tokiko orduan (11:00etan GMT orduan) ireki dituzte, eta zabalik egon dira 17:00ak arte (20:00 GMT orduan). Dena dela, Brasilek dituen ordutegiengatik, mendebaldeko estatuek bi ordu beranduago itxiko dituzte.
Hortik aurrera, hauteslekuetan egindako inkesten emaitzak jakinaraziko dituzte eta, behin hautetsontziak itxita, lehenengo emaitza ofizialak hasiko da zabaltzen Hauteskunde Auzitegi Gorena.
Hauteskunde-hitzorduan segurtasuna bermatzeko Brasilgo Armada zabalduko da, bereziki 513 udalerritan, Amazonas eskualdean, ipar-ekialdeko zonalde txiroetan, eta Rio de Janeiron ere. Izan ere, Brasilgo hiriburuan militarrek esku hartu behar izan dute duela gutxi, indarkeria-olde baten ondorioz.
Jair Bolsonaro hautagaia. Argazkia: EFE
Bolsonaro garaile lehenengo itzulian, inkesten arabera
1985ean Brasilen demokrazia ezarri zenetik, hauteskunde zalantzagarrienak izango dira igande honetan. Hauteskunde-kanpainan agerian geratu da gizarte-giroa erradikalizatu eta zatitu dela, Fernando Haddad sozialistaren eta Jair Bolsonaro ultraeskuindarraren artean, alegia. Izan ere, joan den irailaren 6an hauteskunde-ekitaldi batean Bolsonaro sastatu zuten. Hautagai horrek ika-mika piztu du Brasilen, horrek egindako adierazpen matxista, arrazista eta homofoboengatik; gainera, Brasilgo diktadura militarra zuritu du.
Inkesten arabera, Bolsonarok berak irabaziko du lehen itzulia, bozen % 40 inguru eskuratuta, eta urriaren 28ean izango den bigarren itzulian lehiatuko da Haddad hautagai sozialistarekin. Luiz Inacio Lula da Silva presidente ohiaren ondorengoa da Haddad Langileen Alderdian.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.