Erdi Aroa
Esan ohi da pertsona bakoitza mundu bat dela, guztiok ezberdinak garela, bai izaeran, baita inguruaz dugun iritziari dagokionean ere. Herriek euren nortasuna, historian jasotako ekarpenei esker, jorratutako bideen arabera eta hartutako erabakien egokitasunean oinarritu izan dute. Hori dela eta, ez daude bi herrialde, ez berdinak, ezta parekatu litezkeenak ere. Gaur egun herrialde batzuk XXI. mendean dira, beste batzuk aldiz zailtasun nabarmenak dituzte XX. gizaldiko baldintza eta ezaugarrietara egoikitzeko. Herri beraren barruan, garai ezberdinetan bizi den jendea ere aurki genezake.
Baina egun hauetan, denboraren mailaketa oro hankaz gora jarri duen gertakizuna bizitzeko aukera izan dugu. Ezkontzeko agiria behar zuen kazetaria, bere kontsuletxera joan zen Istanbul hirian. Atariko kamarek jaso zituzten bere irudiak sartzera zihoala. Atarian geratu zen andregaiari, kazetariak esan zion bi ordu barru azaltzen ez bazen agintariei jakinarazteko. Baina kazetaria ez zen epe horretan irten eta ez da oraindik inon azaldu.
Dirudienez Turkiako zerbitzu sekretuek kamarak eta mikrofonoak zeuzkaten kontsularen egoitza barruan, eta badakite zer gertatu zen. Ankarak egindako filtrazioen arabera, kazetari arabiarra jipoitu eta torturatu egin zuten kontsulatuan sartu eta berehala. Gero, oraindik bizirik zegoela zatitzen hasi ziren, hezurrak mozteko zerra erabilita…
Arabian, 1932an independentzia lortu zutenetik Saud familia da agintean. Erregea da jaun eta jabe, berak agintzen du estatuan, gizartean eta pertsonengan. Inork ezin dio aurre egin. Eta saudi arabiarren portaera eta ekintzak epaitzen dituen legea, sharia da, erlijio islamiarrak fededunen bizitza gidatzeko duen araudia. Saud familiaren azken erregea Salman Bin Abdelaziz da. Honek iaz semea, Mohamed Bin Salman izendatu zuen oinordeko eta defentsa ministro. Gaur egun semea da agintari gorena aitaren gainetik.
Aginte postiuetan azaldu zenetik, printzeak behin eta berriz adierazi du Arabia gaur egungo Mundura ekarri nahi duela. Ekonomia birmoldatu eta petrolioarekiko menpekotasuna gainditu. Gizartean, zaharkituak dauden portaerak eta joerak ezabatu. Mundura ireki, eta batez ere nazioartean Arabiari dagokion lekua eta eragina finkatu. Baina modernitatera iristeko, leize-zuloetako garaietan harremanak arautzen zituzten jokamoldeak erabili ditu. Mendebaldeak behin eta berriz bestaldera begiratu izan du Arabiako gehiegikeria eta basakeriak saihesteko, petrolioa, dirua eta inbertsioak, itxuraz giza eskubideen aurretik daudelako. Orain erabaki beharko du, XXI. mendean, XX.eko tresna eta baliabideak erabilita, XI. gizaldian bizi den printzea onartzeko prest ote dagoen.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.