Estrasburgoko atentatuaren egilea 29 urteko gazte bat da, Fiskaltzaren arabera
Frantziako Fiskaltzak baieztatu du Estrasburgokoa atentatu terrorista izan zela eta erasoaren ustezko egilea 29 urteko gazte frantziar bat dela: Cherif Chekatt.
Remy Heitz Parisko fiskalak jakinarazi duenez, hainbat delitugatik aurrekariak ditu eta Frantzian, Alemanian eta Suitzan 27 aldiz zigortu dute. "Erradikalizatu" egin zelakoan, Poliziak fitxatuta zeukala esan du.
Fiskalak datu aipagarri bat ere eman du: astearte goizean Polizia susmagarria atxilotzen saiatu zen, homizidio saiakera eta lapurreta egotzita, baina ez zuten etxean topatu. Aitzitik, lehergailu bat, fusil bat eta munizioa antzeman zuten.
Polizia-operazio horrek susmagarria ordu batzuk geroago izandako erasoa egitera bultzatu zuela uste dute ikertzaileek.
Etxean ez zegoela ikusita, segurtasun indarrak gizon gaztearen bila hasi ziren, baina alperrik. Gaueko 20:00ak inguruan, Estrasburgo erdigunean, jendearen aurka tiroka hasi zen. Bi lagun hil eta beste 13 zauritu zituen, horietako batzuk larri.
Fiskalak azaldu duenez, lekukoek esan dute "Ala handia da" oihukatu zuela. Oraingoz, baina, inork ez du atentatuaren ardura bere gain hartu.
Erasotzaileak egindako ibilbidea zein izan zen eta laguntzarik izan ote zuen argitu nahian ari dira orain. Ildo horretan, lau pertsona atxilotu dituztela baieztatu du fiskalak. France Info irratiaren arabera, susmagarriaren gurasoak eta bi anaiak dira atxilotutakoak.
(Frantziako Poliziak ustezko erasotzailearen argazkia zabaldu du. EFE)
Zure interesekoa izan daiteke
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.