Poliziak hil egin du Estrasburgoko erasoaren ustezko egilea
Poliziak hil egin du Cherif Chekatt Estrasburgoko erasoaren ustezko egilea gaur gauean, Frantziako komunikabideek jakinarazi dutenez.
Polizia-operazioa egin dute Neudorf auzoan. Han galdu zuten susmagarriaren arrastoa, eta han topatu dute gaur, hainbat miaketa egin ostean.
Christophe Castaner Barne ministro frantziarrak azaldu duenez, 21:00ak inguruan (20:00 GMT) aurkitu dute susmagarria kalean, noraezean. Atxilotzen saiatu direnean, baina, gizona tiroka hasi da, eta agenteek tiroz hil dute.
700 polizia baino gehiago aritu dira asteartetik Cherif Chekatten bila, eta kontrol zorrotzak ezarri dituzte mugetan, Alemaniara ihes egiten ahaleginduko zelakoan.
Azken egunotan, gainera, bost pertsona atxilotu dituzte harekin lotuta: susmagarriaren gurasoak, bi anaia eta lagun bat.
Estrasburgo erdigunean izan zen erasoa, Gabonetako merkatu baten inguruan, eta hiru pertsona hil eta hamahiru zauritu zituzten bertan, tiroz eta labankadaz.
Hamahiru lagun horietako hiruk gaur jaso dute senda-agiria, baina beste hiru oso larri daude.
Estatu Islamikoaren aldarrikapena
Poliziak Cherif Chekatt hil duela jakin eta gutxira, Estatu Islamikoak bere gain hartu du Estrasburgoko erasoaren ardura.
Amaq agentziak zabaldutako mezu baten arabera, astearteko erasoa Estatu Islamikoko "soldadu" batek egin zuen.
Sirian Estatu Islamikoaren aurka Ameriketako Estatu Batuekin aliantza osatu duten herrialdeetan erasoak egiteko egindako deiaren "erantzuna" izan dela azpimarratu dute.
Zure interesekoa izan daiteke
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.