NATOk espaziorako defentsa estrategia jarri du martxan
NATOko defentsa ministroek espazioko defentsarako estrategia abian jartzea erabaki dute Bruselan egindako bileran. Horrenbestez, satelite batek erasoa jasanez gero, erantzun ahal izateko. "Garrantzitsua da espazioa ere arretaz zaintzea", esan du Jens Stoltenberg NATOko idazkari nagusiak. Horretarako, gaitasunen eta espazioko informazioa elkartrukatuko dute aliatuek.
Etorkizunean ekintza autonomoetarako eremutzat hartu ahal izango du NATOk espazioa. Horretarako ahalmen egokiak prestatuko ditu eta espazioan erasoa jasanez gero, erantzun egokia eman ahal izango du; gaur egun, lur, itsaso, aire eta ziberespazioan egiten den bezala. Horren inguruko erabaki zehatzagoa, antza, abenduan hartuko du NATOk, Londresen egingo duen goi-bileran.
2016an NATOko estutu kideek hackerren erasoei erantzuteko defentsa estrategia jarri zuten martxan, argindar sarea edo komunikazioei egindako erasoei erantzun ahal izateko. Oraingoan, espazioa eremu bezala aldarrikatu dute, herrialderen batek, batez ere Errusiak edo Txinak, sateliteak bezala espazioko azpiegiturei erasoa eginez gero, erantzuteko.
Gaur egun satelite bidezko komunikazioak garrantzi handia dute, arlo militarrean ez ezik, gizarte zibilean ere bai. Eta NATOk hori babestu nahi du. 1985ean AEBk beren satelite bat suntsitu zuten, eta 2007an Txinak gauza bera egin zuen satelite zaharkitu batekin. Aurtengo martxoan Indiak ere lortu zuen sateliteak suntsitzeko gai diren estatuen zerrendan sartzea. Ostera, askoz zailagoa da horrelako eraso bat eragoztea.
Oraingoz, teknikoki ia ezinezkoa da satelite bat babestea. Trump presidenteak iazko abenduan 'Estatu Batuetako Espaziorako Agintea' sortu zuen. Bere helburua 2020ren amaierarako 'Estatu Batuen Espaziorako Agintea' sortzea da, defentsarako seigarren adar gisa. Ildo horretatik, NATOren Espazioko Estrategia hasi baino ez da egin, adituen esanetan.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.