Gibraltarrek askatu egin du atxikita zuen petrolio-ontzi irandarra
Gibraltarko Gobernuak argi berdea eman dio uztailetik atxikita zuen Irango petrolio-ontziari bertatik alde egiteko, ontzian daraman petrolioa Sirian utziko ez duela bermatu ostean.
Fabian Picardo ministro nagusiak komunikatu baten bidez azaldu duenez, Grace 1 ontzia atxiki zuenean, uztailaren 3an, Siriara zihoala frogatzen zuten dokumentuak zeuden, baina orain Irango Gobernuaren idatzizko bermeak jaso ditu, ontziak daramatzan 2,1 milioi petrolio upelak ez dituela Sirian lehorreratuko esanez.
"Abuztuaren 13an Irango Errepublikaren idatzizko berme bat jaso dugu, askatuz gero Grace 1 ontziaren jomuga ez dela Europar Batasunaren zigorpean dagoen herrialde bat izango esanez", azaldu du. Horrela, "Bashar al Assaden Siriako erregimenari 140 milioi dolarretik gorako balioa duen petrolio gordina kendu diogu".
Picardok azpimarratuenez, "jadanik ez dago Grace 1 ontzia legez atxikita izaten jarraitzeko arrazoirik Europar Batasunaren Zigorren Araudia betetzen dela bermatzeko".
Gibraltarko agintariek uztail hasieran atxiki zuten Grace 1 ontzia, petrolioa Siriara zeramala argudiatuta. Bi aste geroago, Iranek Stena Impero petrolio-ontzia atxiki zuen.
Bestalde, Picardok baieztatu du Gibraltarko Gobernuak Ameriketako Estatu Batuetako eskari bat jaso duela, "ontzia gelditzeko beste prozedura bat hasteko".
Momentuz ez dago argi noiz joango den Grace 1 Gibraltartik. Kapitaina eta ontziko hiru ofizial, baina, aske daude jada.
Mohamad Javad Zarif Irango Atzerri ministroak Washingtonen azken orduko saiakerak kritikatu ditu. "Bere helburuak terrorismo ekonomikoaren bitartez ezin lortuta, Estatu Batuek itsasoan gure ondasunak lapurtzen saiatu dira sistema legalaz neurri gabe baliatuz", salatu du Twitter bidez.
"Pirateria saiakera hau Trumpen Administrazioak legeari dion erdeinuaren erakusgarri da", gaineratu du.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.