Dorian urakana Ipar Carolinara iritsi da, 150 km/h-ko haizeekin
Saffir-Simpson eskalan une honetan 1. kategoria daukan Dorian urakana 150 km/h-ko haize-boladekin iritsi da Hatteras lurmuturrera, Ipar Carolinara, Amerikako Estatu Batuetako Urakanen Zentroak (NHC) jakitera eman duenez.
Datozen orduetan Ipar Carolinak urakanaren ondorioak pairatzen jarraituko du; bestalde, Virginian, ekaitz tropikalak sortu dira, NHCk ostiral honetan azaldu duenez.
Testuinguru horretan, Dorian larunbat arratsaldean edo gauean iritsiko da Kanadara, baliteke urakan gisa heltzea, nahiz eta une horretan litekeena den post-tropikal zikloi bilakatzea, baina urakan baten haize-bolada bortitzak izaten jarraitzea.
Dorian urakanak euriteak, itsas mailaren igoera, uholdeak, haize-bolada handiak eta zenbait tornado eragin ditzake datozen orduetan.
Hildakoen kopuruak gora egin du
Gutxienez 30 pertsona hil dira Bahama Handian eta Abaco uhartean Dorian urakanaren ondorioz, Hubert Minnis lehen ministroak jakitera eman duenez.
Minnisek, gainera, doako hegaldiak iragarri ditu uhartetik alde egin nahi dutenentzat. Horretarako, baina, zonalderen batzuk egokitu beharko dituzte lehenago, hegazkinek lur-hartzeko tokia izan dezaten.
CNN telebista katean egin dioten elkarrizketan, Munnisek berretsi du hildakoen kopuruak gora egingo duela.
"AEBtik iritsitako laguntzagatik izan ez balitz, hildakoen kopurua are handiagoa litzateke, eta laguntza banatzerakoan ere zailtasun handiagoak izango genituzke", azpimarratu du.
Hegaldiei dagokienez, zehaztu du adinekoek eta gaixorik dauden herritarrek ez dutela lehentasunik izango. Oraingoz, ez daki noiz erreskatatuko dituzten, baina asko jota bost eguneko epean Nassaura lekualdatzeko aukera izatea espero du.
Duane Sands Osasun ministroak ohartarazi du hildakoen kopuruak gora egingo duela, eta "izugarria" izango dela.
"Ez dago zalantzarik, askoz hildako gehiago egongo dira", ziurtatu du orain arte hilik aurkitu dituzten 30 pertsonak gogoan.
NBEk 8 tona elikagai bidaliko ditu
Nazio Batuen Erakundeak ostiral honetan aurreratu du Elikagaien Mundu Programak Bahametara 8 tona elikagai bidaltzea aurreikusi duela, Dorian urakanaren ondorioak "baretze" aldera.
NBEk azaldu duenez, laguntza behar duten pertsona guztien artean banatuko dituzte elikagaiak. Era berean, Panaman NBEk duen egoitzatik ere bidalketaren bat egingo dute.
Argazkia: EFE
1. kategoria harrapatu du Dorianek
Dorian urakanak indarra galdu du, eta 1. kategoriara jaitsi da gaur. Haizeteek orduko 150 kilometroko abiadura hartu dute Ipar Carolinan, AEBko Urakanen Zentro Nazionalak emandako informazioaren arabera.
Oraingoz, ekaitza ez da lehorrera heldu, beraz, ez du AEBn biktimarik eragin, ezta kalte material handirik ere.
Zure interesekoa izan daiteke
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.