Gutxienez bost pertsona hil dira Bahametan, Dorian urakana dela eta
Gutxienez bost pertsona hil dira Bahama uharteetan, Dorian urakanaren ondorioz, Hubert Minnis herrialde horretako lehen ministroaren esanetan. Gainera, ekaitzak 13.000 etxe inguru suntsitu ditu Abaco uharteetan (Bahamak). Dorian, Ameriketako Estatu Batuetako (AEB) ekialdeko kostalderako bidean da, eta Bahamak izan ziren haren astindua eta indarra jasan zuen lehen estatua.
Bahametako Poliziak hildakoen kopurua baieztatu du, Minnisek azaldu eta Bahama Press hedabideak jaso duenez. Denboraleak Abaco uharteetan eragin ditu orain arteko kalte larrienak, eta, orain arte zenbatutako biktima guztiak, bertan hil dira. Bahama Pressen arabera, ordea, hildako gehiago egon daitezke, eta Abaco Handia uhartean gorpuak biltzen ari direla ziurtatu du.
Bahametako lehen ministroaren iritzian, "tragedia historikoa" da Dorianek lurraldean eragin duena, bereziki Abaco uharteetan.
"Tragedia historiko baten aurrean gaude", adierazi du Minnisek Larrialdiak Kudeatzeko Agentzia Nazionalean (NEMA, ingelesez) egindako agerraldian. Ildo horretatik, Abacon eragindako “aurrekaririk gabeko hondamendia" deitoratu du agintariak. Izan ere, eraikin asko "erabat suntsituta edo kaltetuta" daude.
Halaber, lehentasuna biktimak bilatu eta erreskatatzea dela esan du Minnisek, eta, hori amaitutakoan, kaltetutako eremuak berreskuratzeko lanei ekingo dietela iragarri du. Testuinguru horretan, etxetik kanpo ez geratzeko aholkatu die herritarrei.
Bahama Handia uhartean, 1,8 metro ur dituzte etxeek. "Ur gaineko txalupak dirudite", azaldu du Rosa Knowles-Bainek, duela bi egun agintariek prestatutako larrialdietako babeslekuetako batean ostatu hartu zuen 61 urteko bizilagunak.
Urakana 4. kategoriara jaitsi da, baina Saffir-Simpson eskalako bigarren mailarik indartsuenean jarraitzen du, Miamin egoitza duen Urakanen Zentro Nazionalak nabarmendu duenez. Ekaitzak orduko 240 kilometroko haize boladak ditu, eta orduko 1,6 kilometroko abiaduran mugitzen da.
Eguraldiaren iragarpenen arabera, Dorian ipar-mendebalderantz mugituko da astearteko azken orduan, eta Floridako kostaldera hurbilduko da. Ondoren, ipar-ekialdera zuzenduko da, eta baliteke asteazken gauean Georgia eta Hego Carolinako estatuetara iristea.
Dorian urakana Nazioarteko Espazio Estaziotik. Argazkia: EFE
Urakanari aurre egiteko neurriak hartu dituzte Floridan
West Palm Beachen, Floridan, haize bolada bortitzak eta olatu indartsuak jasaten ari dira, urakana kostaldetik 169 kilometrora dagoen arren. Urakanen Zentro Nazionalaren arabera, Dorian asteazken arratsaldean iritsiko da eskualdera.
Horren aurrean, Floridako bederatzi konderrik derrigorrezko ebakuazioak agindu dituzte; Duval konderrian (bertan dago Jacksonville, Floridako hiri handienetako bat) eta Palm Beachen (Donald Trump presidentearen Mar-a-Lago konplexu turistikoa dago hor), besteak beste.
Hala, kostaldeko herritarrei ebakuatzeko aginduak errespetatzeko eskatu die Ron DeSantis Floridako gobernadoreak. "Atera zaitezte orain, denbora eta erregaia dagoen bitartean", adierazi du DeSantisek estatuko larrialdietarako operazio zentrotik, Tallahassee hiritik.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.