Trumpen aurkako epaiketa politikoa abiarazteko prozedura onartu du AEBko Kongresuak
Alderdi Demokrataren gehiengoaz baliatuta, Ameriketako Estatu Batuetako Kongresuak Donald Trump presidentea kargutik kentzeko epaiketa politikoa abiarazteko prozedura onartu du ostegun honetan.
232 kongresista ekimenaren alde agertu dira, eta 196 kontra. Trump politikoki epaitu ahal izateko ibilbide-orria onartu dute, baina oraindik ez dago egutegirik zehaztuta. Orain arte, ateak itxita eta demokratek jarritako irizpideen arabera egin dute ikerketa.
Donald Trumpek berehala erreakzionatu du sare sozialetan ondoko mezua idatzita: "AEBn historian inoiz egin den sorgin-ehizarik handiena da hau".
Gaur onartutako ebazpenak defentsarako eskubidea aitortzen dio Trumpi, baina Stephanie Grisham Etxe Zuriko bozeramailearen arabera, "hau guztia presidentea kargugabetzeko saiakera alderdikoi bat da".
Inteligentzia Batzordeak agerraldia publikoak egingo ditu eta txosten bat landuko du. Dokumentu hori oinarri hartuta, Batzorde Judizialak erabakiko du epaiketa politikoa egiteko araudia idatzi ala ez. Epaiketa hori Senatuan egingo litzateke, eta Goiko Ganberan Alderdi Errepublikanoak dauka gehiengoa, alde txikiaren bada ere.
Horrez gain, Trumpen abokatuek agerraldietan parte hartzeko aukera izango dute eta errepublikanoek lekukoak deitzeko eta dokumentuak eskatzeko eskubidea izango dute, baina horretarako legegileen gehiengoaren babesa beharko lukete, eta, beraz, trabak izan ditzakete.
"Gaur onartutako ebazpenak prozedura gardena izatea bermatzen du", azpimarratu du Nancy Pelosi Kongresuko presidenteak.
Alabaina, ordezkari errepublikanoek gogor kritikatu dute prozedura, demokraten interesei mesede egiten diola salatuta. Hori dela eta, denek kontrako botoa eman dute.
"Administrazioari defentsarako aukerarik eman gabe eman nahi dute epaia demokratek. Hau guztia injustua eta Konstituzioaren kontrakoa da", salatu du AEBko Gobernuaren bozeramaileak.
Kongresuak epaiketa politikoa egitea ahalbidetuko duela ziurtzat ematen, baina epaiketa hori Senatuan gauzatuko litzateke eta, oraingoz behintzat, ez lukete babes nahikoa izango Trump presidente kargutik kentzeko.
Ikerketa baten arabera, Trumpek Ukrainako Gobernuari presio egin zion, Joe Bidenen familia ikertzera behartzeko. 2020ko hauteskundeetan Biden izango ei da Trumpen arerio nagusia. Demokratek uste dute Ukrainaren bidez lortutako informazioa hauteskundeetan eragiteko baliatu nahi zuela Trumpek.
Albiste gehiago mundua
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.