Hautesleen % 69k bozkatu dute Hong Kongeko hauteskundeetan, marka berria ezarrita
Hong Kongeko hauteskunde-eskolak itxita daude dagoeneko, igande honetako toki-hauteskundeak amaituta, eta segituan hasiko dira botoak zenbatzen. Hautesleen % 69k eman du botoa, marka berria ezarrita. Praktikan, hauteskunde hauek erreferendum bat balira bezala jo dituzte hainbatek; izan ere, herritarrek agintariei buruzko iritzia emango dute, bai eta agintari horiek Pekingo Gobernu zentralarekin duten harremanari buruz ere.
4,1 milioi hauteslek zuten botoa emateko aukera, eta 2,7 bat milioik bozkatu dute. 2016an, Kontseilu Legegilerako hauteskundeetan (Gobernuaren organo nagusia da hori), 2,2 milioi herritarrek bozkatu zuten, South China Morning Post egunkariaren arabera, baina oraingo datua 2016koari gailendu zaio. Ez da istilurik izan, gainera, hauteskunde-egunean.
City One barrutian, esate baterako, parte-hartzea % 70etik gorakoa izan da; horrenbeste herritar zeudenez, bertako hauteskunde-eskolak jendearen txaloen artean itxi dituzte.
Demokraziaren aldeko oposiziogileei egin liezaieke mesede
Adituen lehen erreakzioen arabera, parte-hartze handi honek demokraziaren aldeko oposiziogileei egin liezaieke mesede. Hauteskunde hauetan, gehienetan egin izan dutenaren kontrakoa erabakita, bateratuta aurkeztu dira: “Jakituria konbentzionalak zehazten du parte-hartze handiak pandemokratei egingo diela on”, adierazi du Anthony Cheung Bing Leung Garraio eta Etxebizitzako ministro ohiak.
"Txinatar ofizialismoaren aldekoek, aldiz, zartako ederra hartuko dute emaitzetan", iragarri du.
Aditu guztiak daude ados kontu batean: hiri-inguru landatarrak garrantzi handia izango du, bereziki Txinako mugatik gertu dauden lurraldeek. Azken hilabeteotako istiluek eragin handia izan dute bertan, eta, ondorioz, aginte lokalean iraulketa egon liteke.
Protestak jada indargabetuta dagoen lege bategatik hasi ziren, alegia, susmagarriak Txinara estraditatzeko aukera ematen zuen lege bategatik. Milaka herritarren iritziz, lege horrek Hong Kongeko osotasun judiziala urratzen zuen. Martxoan irten ziren kalera lehen aldiz, eta udaran manifestazioak bortitzagoak izan ziren. Poliziarekin borrokan ibili izan dira manifestariak, aurrez aurre.
Zure interesekoa izan daiteke
Iranek negoziatzeko beste proposamen bat bidali dio AEBri
Joan den astean, Teheranek proposamen bat aurkeztu zion Washingtoni, Islamabaden bitartez, eta hainbat fasetako negoziazioa eskaini zion, baina ez zuen AEBko presidentea konbentzitu.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.
Teknofaxismoa ala utopia teknologikoa: Zer da Palantir manifestu futurista?
Silicon Valleyn egoitza duen Palantir Technologies enpresak 22 puntutan laburbildu du Peter Thiel eta Alex Karp tekno-oligarken demokraziari buruzko ikuspegia. Derrigorrezko zerbitzu militarra aldarrikatzen dute, baita adimen artifizialean oinarritutako disuasio militarra ere. Pentsalari batzuek teknofaxismoarekin lotu dute.
Muskek, munduko gizonik aberatsenak, "inozoa" izan zela dio, OpenAI finantzatzeagatik
Muskek bataila legal bati ekin zion 2024an ChatGPTren ardatz den enpresaren, Sam Altman eta Greg Brockman fundatzaileen, eta horien bazkide nagusi Microsoften aurka. Kontratua ez betetzea eta bidegabe aberastea leporatzen die. Bigarren egunez ari da deklaratzen Oaklandeko gorte federal batean (Kalifornia).
Putinek su-etena proposatu du Ukrainan, maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.