Alberto Fernandezek Argentinaren batasuna eskatu du, krisia gainditzeko
Alberto Fernandez Argentinako presidente berriak esan du krisi ekonomikoa gainditzea eta herritarren ongizatea bermatzea izango direla bere lehentasunak, baina, horretarako denak batuta egotea ezinbestekoa izango dela azpimarratu du.
Alberto Fernandezek astearte honetan egin du presidente karguaren zina Kongresuan egindako inbestidura saioan. Cristina Fernandez izango da presidenteordea.
Mauricio Macrik utzitako lekua hartuta, testuinguru sozioekonomiko larriari egin beharko dio aurre Fernandezek: zor publiko tasa altua, moneta nazionala ahula, prezioaren etengabeko inflazioa, langabeziaren hazkundea, pobrezia mailaren gorakada…
“Argentinar guztion batasuna aldarrikatu nahi dut, gizarte kontratu berri eta solidario bat eraikitzeko asmoz”, adierazi du kargua hartu ostean.
“Ezberdinen arteko besarkada eta elkartasuna ezinbestekoak dira larrialdi egoera honetan”, erantsi du.
“Argentina zutik jarri behar dugu, urratsak duintasunez ematen hasi behar gara, justizia soziala eta galdutako oreka soziala, ekonomikoa eta produktiboa berreskuratzeko”, azaldu du.
Fernandezek aitortu du “zauri handiak” daudela, baina zauri horiek ixten hasteko deia egin du. “Inork ez dezala nirekin kontatu zauri horietan eragiteko”, ohartarazi du.
Bestalde, Garapen Ekonomiko eta Sozialerako Kontseilua eratuko duela iragarri du, “datozen hamarkadetan indarrean jarri beharko politikak adosteko”.
Krisiaren ondorioei aurre egiteko asmoz, Gosearen aurkako Argentinaren Plana martxan jarriko duela jakinarazi du, eta foro horretan Gobernuak nahiz gizarte eragileetako ordezkariek parte hartuko dutela zehaztu du.
Horrez gain, Macriren Gobernuak 2020rako landutako aurrekontuaren eztabaida geldiarazi egingo duela esan du, proiektu horretan aipatzen diren datuak zuzenak ez direla argudiatuta.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.