Bagdadeko Eremu Berdearen kontra erori dira suziri batzuk
Hainbat suzirik talka egin dute larunbat honetan Bagdadeko Eremu Berdean, atzerriko enbaxada nagusien eta Irakeko Gobernuaren ministerioen egoitza den hiriaren zati gotortuan.
Hiriburuaren iparraldean dagoen base militar bati ere eraso diote.
"Hainbat suzirik eztanda egin dute larunbat honetan Bagdadeko erdigunean, Al Yadiriya egoitza gunean eta Baladeko base militarrean, hiriburuaren iparraldean. Oraingoz ez dago biktimarik ", adierazi dute Irakeko segurtasun indarrek Sputnik Errusiako albiste agentziak aipatutako agiri batean. Sahi Abd al Amri Baladeko baseko komandanteak, ordea, zauritutako hiru militarren berri eman du. Al Amrik azaldu duenez, hiru mortero jaurtigai erori dira lehen gunean, aerodromoko pistan, eta bi babes hesitik kanpo.
Irakeko segurtasun indarretako iturri batek azaldu duenez, "Suziri batek eztanda egin du Eremu Berdearen erdian". Irakeko hedabideen arabera, baliteke suziria AEBk Irakeko hiriburuan duen enbaxadatik gertu erori izana.
Gertakizun hauek Qasem Soleimaini jeneral irandarraren hilketak eragindako tentsioa pil-pilean dagoela gertatu dira. Bagdadetik gertu, dron estatubatuar baten bonbardaketak hil zuen Soleimani.
Zure interesekoa izan daiteke
Erregaiaren prezioak kamioilariak estutu eta AEBko ondoez ekonomikoa larriagotzen ari da
Ehun bat zauritu eta 13 atxilotu Portugalen, etxebizitzaren aldeko kanpaldiak berriro hustu ondoren
Dozenaka kanpadenda jarri dituzte Erromako Koliseoaren aurrean, bizitzaren kostua garestitzearen aurka protesta egiteko
Manifestazio jendetsuak izan dira hirugarren larunbatez Frantzian, eta 500 lagun baino gehiago atxilotu dituzte
Milaka gazte kalera atera dira Alemanian
Trumpen deportazio politikak bere bigarren agintaldia baldintzatu dezake
Kaos instituzionala Polonian, Auzitegi Konstituzionalean piztutako zilegitasun-gatazka dela eta
Kanadak eta EBk aliantza estrategikoa adostu dute, baina 2027ra arte atzeratu dute harremana zehaztea
El Paso, Texas: harrera-hiri izatetik atxilotze-gune izatera
