Beste bortxaketa eta sexu eraso bat egotzi dio Fiskaltzak Weinsteini
2013an beste bortxaketa bat eta sexu eraso bat egin izana egotzi dio Los Angelesko (AEB) Fiskaltzak Harvey Weinstein zinema ekoizleari.
Weinsteinek New Yorken bi emakume bortxatzeagatik (2006an eta 2013an, hain zuzen) epaitua izango den egunean azaleratu da.
Los Angelesko Fiskaltzaren arabera, Weinsteinek "bere boterea eta eragina erabili zituen biktimak atzemateko, ondoren haien aurkako krimen bortitzak egiteko".
Lehen erasoa Los Angelesko hotel bateko gelan izan zen, 2013ko otsailaren 18an. Jackie Lacey fiskalak azaldu duenez, Weinstein hotelera joan zen eta emakume bat bortxatu zuen, bere gelara bultzatu ostean.
Bigarren erasoa hurrengo gauean izan zen. AEBetako CBS katearen arabera, Weinsteinek emakume bati eraso egin zion Beverly Hillseko hotel batean.
Biktimak 2017an salatu egin zuten, ekoizleak beste emakume batzuei ere eraso egin ziela jakin ostean.
Weinsteini bortxaketa delitu bat egotzi diote lehen gertakarian, eta sexu erasoa bigarrenean, Laceyk azaldu duenez.
Fiskalak jakitera eman duenez, azken egunetan zortzi emakume aurkeztu dira Los Angelesko konderrian Weinsteinek egindako sexu erasoak eta bortxaketak salatzeko. Dagoeneko legezko bidean dauden bi akusazioei beste hiru gehitu dakizkieke, karguak aurkeztuko diren ala ez zehazteko zain.
Hala ere, hiru kasu baztertu dituzte, preskribatu dutelako, Laceyk zehaztu duenez.
___________________________
Zure interesekoa izan daiteke
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.