Oraingoz gerraren aukera baztertuta, AEBk zigor gehiago ezarriko dizkio Irani
Donald Trump Ameriketako Estatu Batuetako presidenteak iragarri du Iranen aurkako zigor gogorragoak ezarriko dituztela, herrialde horrek Irakeko base militar estatubatuarren egindako erasoa dela eta.
"Aukerak aztertzen ditugun bitartean, Ameriketako Estatu Batuek zigor gehiago ezarriko diote Irango erregimenari. Zigor horiek Iranek jarrera aldatu artean egongo dira indarrean", ohartarazi du presidente estatubatuarrak.
AEBko Armadaren buruzagiak ondoan zituela, Trumpek agerraldia egin du Etxe Zurian, Iranek Irakeko base militar estatubatuarren aurka bart egindako eraso militarraren harira.
Joan den astean Estatu Batuek Qasem Soleimani jenerala hil zuten Bagdadeko aireportutik hurbil eta Teheranek erantzun militarra eman dio erasoari.
Misilak jaurti arren, Iran tropak erretiratzen ari dela ematen duela eta hori "alde guztientzat eta munduarentzat oso berri ona" dela adierazi du Trumpek.
Horrez gain, Erresuma Batua, Frantzia, Errusia eta Txinari zuzendu zaie, Iranekin 2015ean egindako akordio nuklearra hausteko eta itun berri bat negoziatzeko eskatuz. Halaber, Ekialde Hurbilean gehiago inplikatzeko galdegin dio NATOri.
Azkenik, adiskidetzerako mezua igorri du: "Estatuak Batuak prest daude bakea bilatzen dutenekin bakea egiteko".
Bestalde, Irango Gobernuak esan du Soleimaniren hilketagatik erantzukizunak argitzea nahi duela eta bart egindako erasoa mendekuaren hasiera baino ez dela ohartarazi du.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.