179 pertsona hil dira Teheranen, hegazkin bat lurrera erorita
UIA konpainia ukrainarraren hegazkinean zihoazen 176 bidaiariak eta tripulatzaileak hil dira, hegazkin istripu baten ondorioz Kieverako bidean.
Iman Jomeini nazioarteko aireportutik atera zen Boeing 737 hegazkina. "Radarretik desagertu ziren, bost minutuko hegaldiaren ostean", azaldu zuen Irango Abiazio Zibilaren Erakundeak, eta hegazkinean 167 bidaiari eta 9 tripulatzaile zihoazela zehaztu zuen.
Iranen arabera, ezbeharra arazo teknikoek eragin zuten, baina kutxa beltzak irakurri arte itxaron behar dela zehaztu zuten; Kieveko Gobernuak, berriz, tentuz jokatu zuen, eta espekulazioak saihesteko eskatu zuen.
Biktima gehienak irandarrak dira, tartean ikasleak
Hegazkineria Zibilaren Erakundeak argitaratutako zerrendaren arabera, 147 irandar, hamabi afganiar, lau suediar, bi kanadar eta hamaika ukrainar zihoazen hegaldian, tripulazioko bederatzi kideak barne.
Datu horiek ez datoz bat Vadim Pristaiko Ukrainako Atzerriko ministroak Twitterren iragarri dituenekin; izan ere, Twitterren azaldu duenez, istripuaren biktimen artean 82 irandar, 63 kanadar, hamaika ukrainar, hamar suediar, lau afganiar, hiru alemaniar eta hiru britainiar daude.
Irango herritar askok nazionalitate bikoitza zuten eta pasaporte horiekin bidaiatzen zuten, baina Teheranek Irango herritar gisa baino ez ditu onartzen.
Era berean, Kanadako eta AEBetako unibertsitateetako hainbat ikasle irandar ere izan ziren hegaldian, urte berriko oporrengatik Iranen zeudenak eta Kievetik herrialde horietara itzultzen zirenak.
Kianush Yahanpur Osasun Ministerioko Harreman Publikoetarako bulegoko buruaren arabera, Irango hainbat ikasle, mediku eta dentista hegazkinean zeuden, tartean Ministerio horretako goi kargu baten bi seme.
Gertakaria jazo eta ordu batzuetara, Sharif Teknologia Unibertsitateak dolumin mezu bat jarri zuen bere webgunean, hildakoetatik hamahiru bertan ikasi zutelako.
Hegazkin berria, duela gutxi berrikusia
UIA Ukrainako konpainiak (Ukraine International Airlines) azaldu zuenez, istripua izan zuen hegazkina 2016an "zuzenean ekoizpen solairutik" jaso zuen.
Teheran-Kiev linea estaltzen zuen Boeing 737ren azken ikuskapen teknikoa 2020ko urtarrilaren 6an egin zuten, konpainiak ziurtatu zuenez.
Boeing ekoizleak krisi sakon bati aurre egin beharko dio, iaz 346 pertsona hil zirelako eta, ondorioz, ekoizpena izoztuta dago.
UIAk, era berean, Irango hiribururako hegaldiak "denbora mugagabe batez" etengo dituela iragarri zuen.
Iranek ez dizkio hegazkinaren kutxa beltzak AEBei emango
Hegazkinen ekoizleek kutxa beltzen irakurketan presente egon behar duten arren, eta kasu honetan Boeing estatubatuarra izanda, Ali Abedzadehek, Irango Abiazio Zibilaren Erakundeko buruak, adierazi duenez, "ez diogu kutxa beltza emango ez ekoizleari, ez estatubatuarrei".
"Oraindik ez dago argi zein herrialdetara bidaliko duten", adierazi du Abedzadehek, eta gaineratu du Ukrainako aldeak parte har dezakeela istripuaren ikerketan.
Joan den ostiralean Bagdaden Qasem Soleimani jeneral irandarrak egindako bonbardaketa selektibo baten ondorioz AEBk herrialde horrekin izandako tentsioak gora egin du.
Errepresalia gisa, Irango Guardia Iraultzaileak Irakeko base militar bati eraso egin dio gaur goizaldean, dozenaka misilekin.
Zure interesekoa izan daiteke
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari bereziki aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.