AEBra estraditatzeko prozesu guztia "politizatuta" dagoela salatu du Assangek
Julian Assange WikiLeaks atariko sortzailea Ameriketako Estatu Batuetara (AEB) estraditatu ala ez erabakitzeko epaiketa hasi zen atzo, astelehena, Londresen. Epaileak errudun jotzen badu, 175 urterainoko kartzela-zigorra ezar diezaiokete, 2010ean isilpeko informazio diplomatikoa zabaltzea egotzita. Atari horren sortzaileak, ordea, espioitza eta iruzur informatikoa egotzita egindako akusazioak "politizatuta" daudela salatu du.
Epaiketaren lehen egunean, AEBko Justiziaren ordezkari gisa aritu den James Lewis fiskalak ukatu egin du Assangeri egotzitakoek konnotazio politikorik izatea, eta WikiLeaksen sortzailea epaitzeko arrazoi bakarra "kriminalitate zantzuekin lotuta" dagoela adierazi du. 2010ean atxilotu zuten, eta urte hauek guztiak giltzapean eman ditu.
Maiatzean, WikiLeaksen sortzailea estraditatzeko eskatu zion AEBk Londresi, informazioa modu bidegabean jasotzeko espioitzarekin eta konspirazioarekin lotutako 18 delitu leporatuta. Izan ere, 2010 eta 2011 urteetan, Irakeko eta Afganistango gerra-krimenei buruzko txostenak zabaldu zituen atari horretan, Guantanamoko badian izandako epaiketaz kanpoko atxiloketei buruzko artxiboak eta nazioartean izandako giza eskubideen gehiegikeriak agerian utzi zituzten loturak ere zabaltzeaz gain.
Lewisek azaldu duenez, Bradley Manning (Chelsea Manning, egun) soldadu ohi estatubatuarrari isilpeko informazioa ordenagailu ofizialetatik legez kanpo lortzen lagundu eta WikiLeaksen argitaratzeagatik eskatu dute estradizioa, baina ez kazetari gisa egindako lanagatik, defentsak arrazoitu duenaren arabera. Halaber, agiri sekretu horiek zabaltzeak idatzi horietan aipatutako "iturri eta informatzaileen bizitza arriskuan" jarri zuela ziurtatu du Lewisek, baina Assangeren defentsak akusazio hori gezurtatu du, salaketarik ez dutela jarri arrazoituta.
Bestalde, kazetariek informazioa lortzeko egiten duten lanaren aurka espioitza legea ezartzea kazetaritzaren aurkako mehatxua dela esan du Edward Fitzgerald WikiLeaks atariaren sortzailearen abokatuak, eta Assangeren estradizio eskaera bertan behera uzteko eskatu du.
Halaber, prentsa askatasunaren aurka ezarriko litzatekeen aurrekaria saihesteko Barack Obamaren gobernuak kazetaria auzipetzea saihestu zuen arren, 2017an AEBk auzia berriro zabaltzea erabaki zuela gogorarazi du defentsak. Hala, Ekuadorrek Londresen duen enbaxadan asilo hartuta zegoenean Washingtonek eskatuta zelatatu zutela esan du.
WikiLeaksen sortzailearen abokatuaren esanetan, 2016an zabaldutako isilpeko mezu elektronikoetan Errusiaren inplikazioa ukatuz gero Trumpek Assangeri indultua eskaini ziola froga daiteke.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.