Aita Mari ontziko 34 migratzaileak berrogeialdian jarri dituzte, ferry batean
Aita Mari ontziak Mediterraneoan jasotako 34 migratzaileak ferry batera eraman dituzte igande honetan, bertan bi asteko berrogeialdia egiteko, Italiako agintariek koronabirusaren pandemiari aurre egiteko emandako aginduari jarraituz.
Aita Mari Tirrenia konpainiako "Rubattino" ferrira gerturatu da goizean migratzaileen ontzi-aldaketa egiteko. Operazioa Siziliako hegoaldean egin dute, Palermoko portuaren aurrean. Migratzaileak Aita Mariren ontzigainean bildu dituzte, monoak eta maskarak jantzita, eta ondoren ferrira pasa dira, banan-banan, Italiako kostazainek korrodinatutako operazioan.
Migratzauile guztiak salbu dira jada "Rubattino" ferryan. Bertan beste 147 migratzaile daude berrogeialdian ostiraletik, Sea Eye erakunde alemaniarreko Alan Kurdi ontziak jasotakoak.
Italiako Azpiegitura eta Garraio Ministerioak ohar batean aditzera eman duenez, migratzaileen ontzi-aldaketa "izaera humanitarioa duen ekintza da" eta lehorreratzea Italiako portuetan egitea ezinezkoa dela azpimarratzen du.
"Izaera humanitarioa duen ekintza hau ezin da Italiako portu batean lehorreratzearekin gauzatu COVID-19aren ondorioz dagoen osasun eta antolaketa presio handiagatik", esan dute oharrean.
"Presio" horren ondorioz, ezin dute lehorreratzea segurtasun osoz egitea bermatu "lehorreratzean laguntzen duten pertsonentzat ezta migratzaileentzat ere".
Italiako eta Maltako gobernuek erabaki dute euren portuak ez direla lehorreratzea egiteko seguruak, koronabirusak eragindako egoeraren ondorioz.
Aita Mari ontzia Siziliako kostaldean eman dizu azken egunak Mediterraneoan erreskatatutako 34 migratzaileak lehorreratzeko aginduaren zain.
"Mesedez, laguntza behar dugu"
Marco Martinez Aita Mariko kapitainak laguntza eskatu zuen larunbat arratsaldean, migratzaileak lehorreratu ahal izateko.
"Hemen ez dago medikurik, laguntza behar dugu, mesedez, jende hau hemendik ateratzea behar dugu gure lanarekin jarraitu eta Espainiara joan ahal izateko", esan zuen kapitainak.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.