'Aita Mari' ontziak erreskatatutako hiru migratzaile Lampedusan lehorreratu dira
Aita Mari ontziak erreskatatutako hiru pertsona, familia berekoak denak, Lampedusan lehorreratzea ahalbidetu dute Italiako agintariek, baina beste 40 migratzailek ontzian jarraitzen dute, Europako herrialderen batek portu seguru batera joateko baimena eman arte.
"Aita Mari ontzian zegoen familia Lampedusara eraman genuen atzo gauean. Italiako medikuen laguntza eskertu nahi dugu zalantza handiko ordu hauetan. Beste 40 pertsonentzako portu seguru baten zain jarraitzen dugu", idatzi zuen atzo Itsas Salbamendu Humanitarioa (SMH) gobernuz kanpoko erakundeak sare sozialetan.
Aita Mari Sirakusako (Sizilia, hegoaldea) portutik Pasaiarantz (Gipuzkoa) abiatu zen igandean, baina txalupa bat noraezean zegoela jakinarazi zioten. Hala, bertan zihoazen migratzaileak erreskatatu zituzten, Maltak ontziratzeko baimena eman ondoren.
Orain, Europako herrialderen batera iritsi ahal izateko baimena espero du ontziak. Testuinguru horretan, Maltak eta Italiak argi utzi dute portuak itxita izango dituztela migratzaileen ontziak iristen direnean.
Horrez gain, Sea Eye Alemaniako gobernuz kanpoko erakundearen Alan Kurdi ontziak erreskatatutako 149 migratzaileak ere Mediterraneoan daude, baina Italiak porturatzeko baimena ukatu dio.
Testuinguru horretan, COVID-19 gaitzak eragindako pandemiak Mediterraneo erdialdean noraezean dabiltzan migratzaileen erreskate lanak zailtzen dituela ohartarazi du Oscar Camps Proactiva Open Arms itsas erreskaterako gobernuz kanpoko erakundearen sortzaileak.
Gaineratu duenez, inguru horretan ia ez dago salbamentu ontzirik lanean, eta, gainera, horiek lehorreratzeko "zailtasun bikoitza" dute orain, Europar Batasuneko estatuek koronabirusak osasun arloan eragindako krisia "aitzakiatzat" jartzen dutelako.
Zure interesekoa izan daiteke
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".