Arrazismoarekin lotzen dituzten pertsonaien estatuen aurkako erasoak zabaldu dira
AEBko Poliziak George Floyd afroamerikarra hil izanak arrazakeriaren aurkako protestak eragin ditu mundu osoan, eta esklabismoa sustatu zuten eta kutsu arrazista duten pertsonaien omenezko monumentuak eta estatuak daude orain jomugan.
Hala, arrazakeriaren aurkako protestariek Cristobal Colonen eta buruzagi konfederatuen estatuak behera bota dituzte edo eraso egin diete AEBko hainbat hiritan.
Richmonden, Virginian, manifestariek Jefferson Davis presidente konfederatuaren estatua behera bota dute Cristobal Colonena eraitsi, erre eta laku batera bota eta biharamunean.
Azken orduetan konkistatzailearen hainbat estatuari egin diete eraso edo txikitu dituzte, Bostonen eta Miamin, besteak beste.
Bostonen, Colonen estatua bururik gabe agertu da; izan ere, natibo amerikarrek gehiegi maite ez duten pertsonaia da.
Esklabotzaren alde borrokatu ziren militar konfederatuak dira protestarien jomugan dauden beste batzuk. Izan ere, azken urteetan eztabaida iturri izan dira, batzuek uste baitute esklabotzaren aldekoak omentzeko modu bat dela, baina beste batzuek, tartean historialari ugarik, diote ez liratekeela kendu beharko, "iraganetik ikastea" ahalbidetzen dutelako.
Donald Trump Ameriketako Estatu Batuetako presidentea komandante konfederatuen izena daramaten base militarrak berrizendatzearen aurka agertu da asteazken honetan.
Trumpek adierazi zuen komandante konfederatuen izenak dituzten base militarrak AEBko herentzia handi baten parte bihurtu direla, eta "garaipen eta askatasun historia" ordezkatzen dutela.
Indigenen protestak Ozeanian
Ozeanian, John Hamilton kapitain britainiarraren estatua, XIX. mendean lurren jabetzagatik izandako gatazka batean maoriak hil zituena, Zeelanda Berriko plaza batetik kendu zuten ostiralean, Zeelanda Berrian eta Australian indigenak egiten ari diren protesten erdian.
2013an jarri zuten monumentu hori, Hamilton hirian (Ipar Uhartea), eta atzo kendu zuten, maori batek asteburuan hiri horretan arrazakeriaren aurka egingo dituzten protestetan eraisteko asmoa zuela publikoki adierazi ostean.
Edward Colston esklabo-trafikatzailearen eta Cristobal Colonen estatuak kentzeak ere oihartzuna izan zuen Australian, aborigenak eta uhartetarrak abusu eta tratu txarren biktima izan baitziren XIX. mendean britainiarren kolonizazio-garaian.
Herrialde horretan, James Cook kapitainaren estatua kentzearen inguruan izan da eztabaida biziena. 1770ean iritsi zen Australiara, eta "Terra Nullius" (jenderik gabeko lurra) izendatu zuen, aborigenak bertan 50.000 urte baino gehiago zeramaten arren.
Scott Morrison Australiako lehen ministroak ostegunean 2GB irratiari adierazi zionez, Cook "bere garaiko pertsonarik argienetako bat" izan zen, eta "Australian ez zen esklabotzarik izan", gaineratu zuen indigenen eta historialarien haserrerako.
Prebentzio-neurriak
Robert Baden-Powell militar britainiar ohiaren estatua (1908an Boy Scouts gazte mugimenduaren sortzailearena) kendu egin dute aldi baterako Ingalaterrako Poole Quay herrian, erasoei aurrea hartzeko, faxismoa eta nazismoa gustuko izatea leporatzen baitiote pertsonaia horri.
Londresen Robert Milligan esklabo-trafikatzaile eskoziarraren estatua ere kendu dute, eta igandean manifestari talde batek Edward Colston beltzak esklabotzara eraman zituen gizonaren estatua behera bota zuten Bristolen (Ingalaterra).
Netflix
Bestalde, Netflixek Chris Lilley umoregilearen lau telesail kendu zituen Australiako eskaintzatik, aurpegia beltzez edo marroiz margotzen baitzuen, arrazakeriaren aurkako protestei buruz hitz egiterakoan.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.