Koronabirusa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Munduan 22,6 milioi koronabirus kasu atzeman dira, ia 267.000 positibo egun batean

Estatu Batuak dira pandemiak gogorren jo duen herrialdea, 174.000 heriotzen langa igaro dute.
Munduan 22,6 milioi koronabirus kasu atzeman dira. Argazkia: EFE.
author image

AGENTZIAK | ERREDAKZIOA

Azken eguneratzea

Txinan hasi zen koronabirusen pandemiak 22,67 milioi kasu utzi ditu mundu mailan, azken 24 orduetan ia 267.000 kutsatu baitira, Johns Hopkins Unibertsitateak ostegun honetan emandako balantzearen arabera.

Guztira, 22.679.466 lagunek hartu dute birusa, eta dagoeneko 793.710 pertsona hil dira, aurreko egunean baino 6.000 gehiago. Gainera, 14,54 milioi pertsonak baino gehiagok lortu dute gaixotasuna gainditzea; Brasil da paziente errekuperatu gehien dituen herrialdea (2,84 milioi), eta ondoren India dago, 2,1 milioitik gora izan baititu.

Estatu Batuak dira herrialderik kaltetuena (5,57 milioi kasu), eta 174.200 pertsona baino gehiago hil dira han COVID-19ak jota.

Brasilen 3,5 milioi kasu eta 112.300 hildako baino gehiago izan dira, eta bigarren lekuan daude bai kutsatuetan eta baita hildakoetan ere. Hirugarren lekuan India dago, 2,9 milioi kasu baino gehiagorekin eta 55.000 hildakotik oso gertu.

Zerrendako 'top 10' a Estatu espainiarrak ixten du, 377.906 kasu eta 28.813 hildakorekin (zortzigarrena mundu mailan), asteetan zehar aurretik izan arren, Irandik aldendu da horrela. Herrialde persiarrak 352.500 kutsatu baino gehiago izan ditu eta 20.200 hildako baino gehiago.

Erresuma Batuak, 324.000 kasu baino gehiago eta 41.489 hildako (bosgarren herrialdea atal horretan) ditu, 300.000 kutsatuen muga gainditu du, Argentinak bezala, 320.884 kasurekin, eta Saudi Arabiak 303.973 kasurekin.

200.000 baino gehiago dira Pakistanen (290.958), Bangladeshen (287.959), Frantzian (256.534), Italian (256.118), Turkian (254.520) eta Alemanian (231.292).

Txinak, pandemia jaiotzen ikusi zuen herrialdeak, 90.000ren kutsatuetara iritsi gabe jarraitzen du, 89.567 positiborekin.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.
Alemanian 1.500 koronabirus kasu detektatu dituzte 24 ordutan
Koronabirusarekin kutsatutako objektuak ukitzeko arriskuaz ohartarazi du Txinak
Italiak gaurtik aurrera gaueko aisialdirako lokal guztiak ixteko agindu du
Gizartea Munduko albisteak Erresuma Batua Espainia Ameriketako Estatu Batuak Alemania Gaixotasunak Eguneko Titularrak Brasil Italia Covid-19aren aldaera berriak

Albiste gehiago mundua

GAZA (-), 20/06/2025.- Smoke rises in the background as internally displaced Palestinians gather on a beach at sunset in Gaza City, 20 June 2025. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek dozenaka gazatar hil ditu, tiroka, Gaza Hirian

Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka. 

Gehiago kargatu