AEBko Kongresuak Trump epaitzea erabaki ostean, Senatuaren esku dago auzia
Asteazkenean Ameriketako Estatu Batuetako Ordezkarien Ganberak Donald Trump jarduneko presidentearen aurkako bigarren epaiketa politikoa abiatzea erabaki ostean, orain Senatuan izango du jarraipena. Dena dela, zaila dirudi Joe Biden presidente hautatuak kargua hartuko duen egunaren aurretik (urtarrilak 20) epaiketa berriro abiatzea.
Gaur-gaurkoz, Nancy Pelosi Ordezkarien Ganberako presidenteak ez du Senatura bidali epaiketa politikoari buruzko dokumentazioa. Pauso hori behar-beharrezkoa da kargugabetze prozesuak Senatuak jarraitu dezan.
Hala ere, Diana DeGette Ordezkarien Ganberako prozesuaren arduradunetako bat denak ostegun honetan azpimarratu duenez, Senatuko epaiketaren plangintza "atariko fasean" dago oraindik.
Gauzak horrela, ez dirudi hilaren 20a baino lehen epaiketa berriro abiatuko denik. Orduan hartuko du kargua Joe Biden presidente hautatuak eta bezperara arte etenaldian dago Kongresua.
Epaiketak ez du Trumpen kargugabetzea eragingo, ordurako Biden presidente hautatua izango delako Etxe Zurian. Hala ere, epaiketan errudun jotzen badute kargu publikoetarako inhabilitazioa ezarri ahal diote eta ezin izango du 2024eko hauteskundeetara aurkeztu.
Horrez gain, biziarteko pentsioa jasotzeko eskubidea galduko du (220.000 dolar urtean), baita ohoredun hileta bat izateko edota Arlingtongo Hilerri Nazionalean lurperatua izateko eskubidea ere.
Senatuan kondenatua izateko, ordea, gehiengo zabala ezinbestekoa da (senatarien bi heren). Hori horrela izan dadin 17 senatari errepublikanok Trump zigortzearen alde bozkatu beharko lukete.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.