Trumpen ondare negargarria
Emaitza negargarriarekin amaitu da Trumpen agintaldia: ia 400.000 hildako izan dira pandemia eta haren kudeaketa traketsaren ondorioz. Harrokeria, zinismoa, zientzialarienganako mespretxua eta gezurrak izan dira bere jokabidearen ezaugarri nagusiak. Orain arte Ameriketako Estatu Batuetako presidente izan denak nazioa bere lehentasunen buruan jarriko zuela agindu zuen (“America First”), baina lau urteren ondoren gizartea inoiz baino zatituago utzi du, orain arte ezagutu ez den indarkeria politikoak eta kontrolik gabeko pandemiak astinduta.
Pandemiaren kudeaketa okerraren ondorioz, hauteskundeak galdu dituen lehen agintaria izan da. Bere alderdia ere zatituta eta Europako aliatuekin harremanak jipoituta utzi ditu.
Joe Biden presidente berriak Trumpen ondarea ezabatuko duela agindu du. Covid-19aren txertaketa azkartu, musukoen erabilera nahitaezko bihurtu eta ekonomia suspertzeko laguntza planak Kongresuan berehala aurkeztuko dituela agindu du. Erraza izango du hori aurrera ateratzea, Alderdi Demokratak Kongresua kontrolatzen duelako. Nazioarte mailan, Klima Aldaketari buruzko Parisko Hitzarmenera itzuliko dela iragarri du, baita Iranen programa nuklearra geldiarazteko akordioetara ere. Horrez gain, herrialde musulmanetako herritarrei AEBra bidaiatzeko ezarritako debekua kenduko du.
Trumpen ondarea ezabatzeko “zentro” politikotik agintzea ez dela nahikoa esan diote aditu batzuek presidente berriari. Horietariko bat Robert Reich izan da. Bill Clinton eta Barack Obama presidente demokraten aholkularia izandakoak esan duenez, gaur egungo Alderdi Errepublikanoak ez du zerikusirik berak duela urte batzuk ezagutu zuenarekin. Alderdi Errepublikanoa mundu paralelo batean bizi omen da gaur egun. Reichen arabera, ez dago “zentrorik” errealitatean oinarritutako munduaren eta errepublikanoen irudimenezko munduaren artean. Aholkulari ohiak azpimarratzen duenez, errepublikanoen gehiengoak Trump babesten jarraitzen du. Asteazkenean, Ordezkarien Ganberan, errepublikanoen % 98k gaitzetsi zuen “Impeachement”a. Eta duela bi aste, Kongresuaren aukako erasoaren ondoren, ordezkari errepublikanoen bi heren eta 10 senatari hauteskundeetako emaitzak baieztatzearen aurka agertu ziren, hauteskundeak iruzur handia izan zirelakoan, Trumpen gezurretan oinarrituz. Ez zuten kontuan izan 60 epaile federalek eta Trumpen beraren Justizia Departamentuak eta Segurtasun Nazionaleko Departamentuak horiek guztiak gezurtatu izana.
Reichek gogoratzen duenez, Alderdi Errepublikanoak azken 4 urteetan izan duen toxikotasunak mailak goia jo du, Trumpek bere erara berregin baitu alderdia, zurien nagusitasuna bultzatzen eta gezur eta konspirazio-teorien mundu kontrafaktikoa gurtzen duen
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.