500dik gorako tasa metatua duten eskualdeak isolatzea proposatu du Bruselak
Europan barrena covid-19a arin eta nabarmen hedatzen ari dela eta, arduratuta dago Europako Batzordea (EB) eta, hala, Europar Batasuneko herrialdeei bidaiak ezinbestekora mugatzea gomendatu die gaur. Birusaren aldaera berriek kutsakorrago egiten dute koronabirusa, eta kutsatze horiek saihesteko barneko zein kanpoko bidaiak murriztea aholkatu die estatu kideei.
Mugikortasuna ahalik eta gehien murrizteko gomendio hori bereziki 100.000 biztanleko 14 eguneko intzidentzia tasa metatua 500dik gora duten eskualdeei luzatutakoa dela azpimarratu du Bruselak. Espainiako Estatuan, esaterako, 804.50koa da tasa hori.
Neurri murriztaileak ezartzeko "irmotasuna" galde egin die Bruselak 26 estatuei. Didier Reynders Europako Justizia komisarioaren arabera, EBko estatuen artean jendearen joan-etorriak saihestu behar dira, baita estatu barruko bidaiak murriztu ere.
Horrez gain, Europar Batasunetik kanpotik etorritako bidaiariei honako baldintzak jartzea gomendatu die: PCR negatiboaren proba exijitzea, eta birusaren aldaera arriskutsuena duten herrialdeetatik heldutakoen kasuan, autoisolatzea, koarentena eta heldu eta 14 egunera izandako harremanak arakatzea.
"Batzordeak proposatzen du funtsezkoak ez diren bidaia guztiak indarrez baztertzea, egoera epidemiologikoa nabarmen hobetu arte. Hori egitean, estatu kideek euren lurraldean bidaiatzeko aplikatzen dituzten neurriekiko koherentzia bermatu behar dute ", adierazi du Europako Batzordeak ohar batean.
Bruselak adierazi du gomendio hori bereziki 500dik gorako tasa metatua duten Europako eskualdeei zuzenduta dagoela (Espainiako Estatuak, esaterako, 804.50 kasuko tasa du), eta Gaixotasunak Prebenitzeko eta Kontrolatzeko Europako Zentroaren (ECDC) mapan kolore gorri iluna esleitzea proposatu die, kasuen hedapena monitorizatzeko.
Europako Batzordearen arabera, eremu horietatik iristen diren pertsonei test negatiboa eskatu beharko litzaieke bidaia egin aurretik, eta helmuga duten herrialdean berrogeialdia gorde beharko lukete nahitaez.
Lan egiteko edo familia-arrazoiengatik muga maiz zeharkatu behar duten pertsonek ez dute berrogeialdia bete beharko, eta PCR probek maiztasun "proportzionatua" izan beharko dute.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.