Borrellek Navalni askatzea eskatu du, eta Errusiak preso kataluniarrekin erantzun dio
Josep Borrellek, Europar Batasunaren Atzerri Politikarako Goi Ordezkariak, Alexei Navalni oposizioko kidea eta azken egunotan atxilotutako gainerako jarraitzaileak libre uzteko eskatu dio Sergei Lavrov Errusiako Atzerri ministroari, eta horrek Europako polizia-bortizkeriarekin eta preso kataluniar independentisten egoerarekin erantzun dio.
Moskun egin duten bileraren osteko prentsaurrekoan, Borrellek berretsi du Navalniren askatasuna aldarrikatzen dutela, eta espero duela Errusiak ikerketa "independentea" egitea oposizioko kidearen ustezko pozoitzearen inguruan.
Goi Ordezkariaren hitzak entzun ostean, Lavrovek Europan eta AEBn izandako polizia-gehiegikeriak gogorarazi dizkio, eta Kataluniako politikari independentistak "bultzada politikoz hartutako erabaki judizialekin" espetxeratu zituztela gaineratu du.
Hala, ministro errusiarrak azpimarratu duenez, "Kataluniako buruzagi independentistak erreferendum bat antolatzeagatik daude preso, eta Espainiako Justiziak ez du erabaki hori atzera bota, Alemaniako eta Belgikako auzitegiek kontrako ebazpenak eman dituzten arren". "Horren aurrean, Espainiak bere sistema judiziala defendatu eta bere erabakiak ez zalantzan jartzeko eskatu du. Horixe eskatzen diogu guk ere Mendebaldeari", azaldu du Lavrovek.
Bestalde, Arancha Gonzalez Laya Espainiako Atzerri Gaietarako ministroak adierazi du, Errusia ez bezala, Espainia "erabateko demokrazia" dela, eta Espainiako Estatuan "preso politikorik ez, politikari presoak" daudela. Gaineratu duenez, "espero dut Navalni jauna ere kanpaina egiteko gai izatea datozen hauteskundeetan, Espainian zigorra betetzen ari diren buruzagi independentista kataluniarren moduan".
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.