Trumpen aurkako 'impeachment'a legezkoa dela erabaki du Senatuak
AEBko Senatuak Donald Trump presidente ohiaren aurkako bigarren epaiketa politikoaren legezkotasuna onartu du aldeko 56 botorekin eta aurkako 44rekin. Ondorioz, errepublikanoen artean seik soilik bozkatu dute demokratekin.
Ameriketako Estatu Batuetan gaur abiatu da Donald Trump presidente izandakoaren aurkako bigarren epaiketa politikoa, Senatuan. Kapitolioaren aurkako erasoan Trumpek izan zuen erantzukizunagatik zabaldu zuten haren kontrako auzibidea. Hala ere, demokratek 17 senatari errepublikanoren babesa behar dute presidente ohia zigortu eta inhabilitatzeko. Ez dirudi, ordea, horrelakorik gertatuko denik.
"Impeachment" prozesua 13:00etan hasi da (Euskal Herrian 19:00ak zirenean) Senatuan, eta 100 senatarik osatu dute epaimahaia.
Chuck Schumer Senatuko demokraten buruak eta Mitch McConnell errepublikanoen buruak astelehenean hitzartutakoaren arabera, epaiketaren lehen egunean prozesua konstituzionala ote den ala ez eztabaidatu eta bozkatu dute. Senatariek lau orduko eztabaida egin dute, botoa eman eta epaiketa konstituzionala dela erabaki aurretik.
Konstituzio gaietan aditu diren gehienen esanetan, prozesua legitimoa da Trump kargutik kentzea ezinezkoa izan arren, oraindik presidente zenean gertatu ziren gertaerak daudelako ezbaian.
Prozesuaren konstituzionaltasunari buruzko erabakia hartu ostean, asteazkenean ekingo diote berriro epaiketa politikoari. 12:00etatik aurrera (18:00ak Euskal Herrian) hasiko dira fiskalak eta Trumpen defentsa beren argudioak azaltzen.
Epaiketa politikoa egunero egingo da, larunbatean izan ezik, Trumpen abokatu judu batek hala eskatuta. Igandean ekingo diote berriro, eta hurrengo astean amaitzea aurreikusten dute, lekuko gehiago deitu ezean.
Asteazkenean hasiko dira epaiketa politikoko "fiskalak" (Behe Ganberako bederatzi demokrata dira) beren argudioak ematen. 16 ordu eta gehienez bi saio izango dituzte horretarako.
Defentsa abokatuek ere arau bera bete beharko dute, ordu eta saio kopuruari dagokionez.
Lekuko berriak deitzeko edo ebidentzia gehiago aurkezteko bozketa egin ahal izango da, baina gaur-gaurkoz ez dute aukera hori mahai gainean; izan ere, demokratek eta errepublikanoek ahalik eta azkarren amaitu nahi duten epaiketa luzatu egingo litzateke.
Ikusmina da nagusi Ameriketako Estatu Batuetan, historiako laugarren epaiketa politikoa baita honakoa.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.